Маштабны пажар: з'явіліся спадарожнікавыя здымкі наступстваў удару па аэрадроме ў Луганску
- 29.05.2024, 7:37
- 10,160
![Маштабны пажар: з'явіліся спадарожнікавыя здымкі наступстваў удару па аэрадроме ў Луганску](https://i.c97.org/ai/596825/aux-head-1716957457-20240416_foto_360.jpg)
Знішчаны расейскі комплекс «Неба-М».
У часова акупаваным Луганску ў выніку начнога ўдару 27 траўня на аэрадроме адбыўся моцны пажар. З'явіліся спадарожнікавыя фота з наступствамі атакі па аб'екце, на якім, дарэчы, размяшчаўся радыёлакацыйны комплекс «Неба-М» расейскіх захопнікаў.
Пра гэта паведамляе Радыё Свабода.
На фота Planet са спадарожніка ад 28 траўня можна ўбачыць сляды буйнога пажару на поўнач ад узлётна-пасадачнай паласы аэрадрома Луганскай авіявучэльні.
Пры гэтым на кадры ад 10 траўня на гэтай лакацыі дэманструюцца часткі радыёлакацыйнага комплексу «Неба-М», прызначанага для выяўлення аэрадынамічных і балістычных аб'ектаў на сярэдніх і вялікіх вышынях.
![](https://i.c97.org/ai/596825/aux-1716957034-1.png)
![](https://i.c97.org/ai/596825/aux-1716957034-2.png)
Таксама варта адзначыць, што прадстаўнікі акупацыйнай «улады» Луганску распавядалі аб узгаранні ў выніку ўдару «ў раёне інфраструктурных аб'ектаў былой вышэйшай вайсковай авіяцыйнай вучэльні штурманаў».
![](https://i.c97.org/ai/596825/aux-1716957034-3.png)
![](https://i.c97.org/ai/596825/aux-1716957034-4.png)
Раней паведамлялася, што позна ўвечары 27 траўня ў часова акупаваным Луганску мясцовыя жыхары ў сетцы паведамлялі аб некалькіх выбухах у горадзе, і аб «прылётах».
У СМІ з'явілася інфармацыя аб моцным пажары ля Вышэйшай авіяцыйнай вучэльні штурманаў у Луганску.
![](https://i.c97.org/ai/596825/aux-1716957034-5.png)
![](https://i.c97.org/ai/596825/aux-1716957035-6.png)
Таксама ў інтэрнэце жыхары горада пісалі, што ўдар быў нанесены па тэрыторыі Луганскага авіяцыйнага рамонтнага завода, дзе базаваліся расейскія захопнікі.
Са слоў кіраўніка Луганскай АВА, страты авіяцыйнай тэхнікі ў расейскіх акупантаў могуць быць значнымі. Блогер Раман Шрайк дапусціў, што на мясцовы аэрадром маглі прыляцець ракеты ATACMS.