Генштаб УСУ назваў самыя гарачыя кірункі фронту
- 27.05.2024, 21:51
- 3,096
![Генштаб УСУ назваў самыя гарачыя кірункі фронту](https://i.c97.org/ai/596687/aux-head-1716834482-20221013_vsu_360.jpg)
З пачатку дня адбылося 66 боесутыкненняў.
На фронце з пачатку дня адбылося 66 боесутыкненняў. Найбольшая інтэнсіўнасць захоўваецца на Пакроўскім і Харкаўскім кірунках. Таксама вораг канцэнтруе ўдары пад Часівам Ярам. Пра гэта 27 траўня паведаміў Генштаб УСУ.
Адзначаецца, што на Харкаўскім кірунку колькасць боесутыкненняў вырасла да 10. Чатыры баі прадаўжаюцца.
«Сітуацыя кантраляваная, украінскія падраздзяленні ўзмацняюць устойлівасць абароны. Пры гэтым вораг ужыў ужо 17 кіраваных авіябомбаў. Сярод іншага, новыя ўдары КАБаў зазналі Ваўчанск, Ліпцы і Стары Салтоў», – гаворыцца ў паведамленні.
На Купянскім кірунку расейскія захопнікі пры падтрымцы з паветра сем разоў спрабавалі ўклініцца ў абарончыя рубяжы, атакуючы, сярод іншага, паблізу Петрапаўлаўкі, Стэпавай Навасёлаўкі, Берастава, Грэкаўкі, Дружалюбаўкі, Неўскага і каля Мясажараўкі. Білі КАБамі па Азёрным, Купянску, Петрапаўлаўцы.
Тры штурмавыя дзеянні РФ адбыліся на Ліманскім кірунку. Тут агрэсар атакаваў у раёне населенага пункта Тэрны. Украінскія войскі дзейнічаюць актыўна і даюць годны адпор.
Яшчэ пяць атак расейскіх акупантаў украінскія падраздзяленні адбівалі на Северскім кірунку. Паблізу Выемкі спыненыя тры варожыя штурмы. Яшчэ – каля Верхнякаменскага, а таксама ў раёне Спірнага, дзе агрэсар атакаваў пры падтрымцы авіяцыі.
У раёне Новы, размешчаным пад Часівам Ярам, вораг з пачатку дня здзейсніў ужо пяць штурмавых дзеянняў. Яшчэ атакі праводзіў на Клішчыеўку і Іванаўскае. У цэлым на Краматорскім кірунку ўкраінскія абаронцы адбівалі сем нападаў акупантаў. Паветраныя ўдары зазналі Тарасаўка і Дружба.
На Пакроўскім кірунку колькасць варожых штурмавых дзеянняў з пачатку дня вырасла да 16. Расейцы атакуюць паблізу Новааляксандраўкі, Калінава, Сокала, Уманскага, Навасёлаўкі Першай, Нятайлава. Сітуацыя напружаная. Па населеных пунктах Сокал і Жаланнае біла варожая авіяцыя.
На Курахаўскім кірунку УСУ перашкодзілі васьмі атакам ворага. Сітуацыя кантралюецца.
На Врэміеўскім кірунку расейскія акупанты распачалі ўжо пяць наступальных спробаў – акрамя Старамаёрскага, таксама ў кірунку вёскі Ураджайнае. Па Пяціхатках агрэсар біў з авіяцыі.
На Арэхаўскім кірунку вораг правёў адзін безвыніковы напад у раёне Рабоціна.
На Прыдняпроўскім кірунку, паблізу Крынак і на іншых левабярэжных плацдармах, адбіты чатыры атакі расейцаў.