Колькі беларусаў наведала Турцыю з пачатку года
3- 27.05.2024, 20:50
- 3,164
![Колькі беларусаў наведала Турцыю з пачатку года](https://i.c97.org/ai/290118/aux-head-1526449793-20180516_alania_t.jpg)
Нашы суайчыннікі сталі часцей лётаць на адпачынак.
За чатыры месяцы 2024 года Турцыю наведала больш за 47 тысячаў беларусаў, гэта на 6% больш, чым год таму, піша Рэспубліканскі звяз турыстычных арганізацый са спасылкай на статыстыку турэцкага Міністэрства турызму і культуры краіны.
З агульнай колькасці беларусаў, якія пабылі з пачатку года ў Турцыі, амаль 15 тысячаў нашых суграмадзянаў наведалі краіну ў красавіку.
Усяго ў Турцыю за чатыры месяцы прыбыло 10,6 млн турыстаў, што амаль на 12% больш, чым у студзені – красавіку 2023 года. Пяцёрку лідараў узначалілі немцы (1,1 млн). На другім месцы – расейцы (1,08 млн), на трэцім – іранцы (амаль 1 млн). Замыкаюць топ Балгарыя і Вялікая Брытанія.
Амаль палову ўсіх замежных гасцей прыняў Стамбул – 5,2 млн. На другім месцы – Анталья (1,84 млн).
За ўвесь 2023 год Турцыю наведала больш за 309 тысячаў беларусаў. Гэта на 29% больш, чым у 2022 годзе. Беручы да ўвагі, што летась, паводле звестак Белстата, усяго выехала адпачыць за мяжу больш за паўмільёна беларусаў, Турцыя займае ў нашых турыстаў першае месца.