УСУ дронам знішчылі расейскі РСЗА «Ураган» на адлегласці 25 км
- 27.05.2024, 20:24
- 4,532
![УСУ дронам знішчылі расейскі РСЗА «Ураган» на адлегласці 25 км](https://i.c97.org/ai/596677/aux-head-1716830659-20230721_vsu_dron_360.jpg)
Відэафакт.
Байцы 79-й асобнай дэсантна-штурмавой Таўрыцкай брыгады выявілі на агнявой пазіцыі за 25 кіламетраў ад лініі фронту расейскую рэактыўную сістэму залпавага агню «Ураган». Знішчэннем заняліся пілоты ўдарных беспілотнікаў тактычнай групы «Адам», якія з дапамогай FPV-дрона з магутнай баявой часткай паспяхова атакавалі варожы аб'ект.
Украінскі FPV-дрон падбіў расейскую сістэму залпавага агню. Кадры знішчэння апублікавала зводная тактычная група «Адам», паведамляе Цензор.НЕТ.
«Дэтанацыі пасля паразы не было, таму хутчэй за ўсё ён ужо быў пусты, але беручы да ўвагі БЧ на дроне, яго трэба будзе добра рамантаваць», – дадалі вайскоўцы.