Супраць Змітра Дашкевіча распачалі яшчэ адну крымінальную справу
11- 25.05.2024, 19:29
- 6,006
![Супраць Змітра Дашкевіча распачалі яшчэ адну крымінальную справу](https://i.c97.org/p/articles/ai-244028-aux-head-20170317_dashkevich_svaboda_360.jpg)
Палітвязню пагражае яшчэ два гады турмы.
Супраць палітвязня Змітра Дашкевіча распачалі яшчэ адну крымінальную справу. Пра гэта паведаміла ў «Фэйсбуку» жонка Змітра Наста Дашкевіч. З ейных слоў, гэтым разам размова ідзе аб ч.2 арт.411 Крымінальнага кодэксу «Злоснае непадпарадкаванне патрабаванням адміністрацыі папраўчай установы». Санкцыя артыкула прадугледжвае да двух гадоў пазбаўлення волі.
Змітра Дашкевіча ў 2022 годзе прысудзілі да 1,5 года калоніі паводле артыкула 342 КК. Ён павінен быў выйсці на волю ў ліпені 2023 года, але супраць яго распачалі новую крымінальную справу паводле артыкула аб непадпарадкаванні патрабаванням адміністрацыі калоніі (арт. 411 ч. 1 КК). У кастрычніку 2023 года Зміцер быў прысуджаны яшчэ да года калоніі. Ад адбывае пакаранне ў калоніі №14 у Навасадах.
У пачатку траўня, за два месяцы да вызвалення, стала вядома, што супраць яго распачалі новую крымінальную справу – паводле артыкула 342 КК («Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх»).