24 лiпеня 2024, Серада, 7:14
Падтрымайце
сайт
Сім сім,
Хартыя 97!
Рубрыкі

Крамы польскага абутку спыняюць працу ў Беларусі

10
Крамы польскага абутку спыняюць працу ў Беларусі

Названая прычына.

Крамы польскага абутку Wojas паведамілі пра распродаж калекцый і спыненне працы, піша smartpress.by.

«Мы зачыняемся. Сказалі ўчора, тэрміны пакуль не агучылі», – пацвердзілі журналістам прадаўцы.

Прычынай, паводле разасланага кампаніяй паведамлення, стала пастанова ўраду Беларусі пашырыць спіс тавараў, якія нельга ўвозіць з Польшчы, а таксама з Латвіі, Літвы, Польшчы, Чэхіі і Эстоніі і прадаваць у Беларусі.

Сярод іх піва, зброджаныя напоі, сродкі для догляду скуры, валасоў, для галення, для гігіены рота і зубоў, дэзадаранты, сумесі для ваннаў, мыла, мыйныя сродкі для кухні і ваннай, дываны, тэкстыльнае адзенне, галаўныя ўборы, пасцельныя рэчы, посуд і некаторая іншая прадукцыя. Сярод іншага Менск забараніў увозіць з гэтых краінаў абутак – як гумавы, так і скураны.

У спіс «несяброўскіх краінаў» уваходзяць: ЕЗ, ЗША, Канада, Нарвегія, Албанія, Ісландыя, Паўночная Македонія, Вялікая Брытанія, Чарнагорыя, Швэйцарыя.

Напісаць каментар 10

Таксама сачыце за акаўнтамі Charter97.org у сацыяльных сетках