Чаму прэзідэнт Ірана ляцеў на старым амерыканскім гелікаптэры, хаця ў яго былі новыя расейскія

Bell 214 дастаўся рэжыму аятала яшчэ ад шахаў.

Становяцца вядомымі ўсё новыя падрабязнасці катастрофы гелікаптэра, на якім ляцеў прэзідэнт Ірана Ібрагім Раісі. Так, інфармацыйныя агенцтвы зняпраўдзілі распаўсюджаную напярэдадні інфармацыю: што Раісі ляцеў на гелікаптэры Мі-17 (ці Мі-171) расейскай вытворчасці.

Пра гэта расказалі расейскія і некаторыя іранскія СМІ. Гілікаптэры Мі-17 у Іране сапраўды ёсць. Але іранскі прэзідэнт быў зняты на відэа са святочнага мерапрыемства на гелікаптэры Bell 214 амерыканскай вытворчасці. Гэта ўзмоцненая версія гелікаптэра Bell 212, які доўгі час складаўся на службе і ў ізраільскіх ВПС, піша сайт "Дэталі".

Праблема ў тым, што гелікаптэр Bell 214 даволі стары. Упершыню ён узляцеў у 1970 годзе, а ў серыю пайшоў у 1972. Разам з самалётамі С-130 Hercules, Phantom і F-14 гэты гелікаптэр дастаўся рэжыму аятала яшчэ ад шахскага Ірана. У шаха былі на гэты гелікаптэр вялікія планы, і ён замовіў у ЗША больш за 300 нелікаптэраў Bell 212 і 214 з намерам у далейшым наладзіць іх вытворчасць у Іране. Ісламская рэвалюцыя перакроіла гэтыя планы. Ні да, ні пасля яе гелікаптэры Bell 214 у Іране не вырабляліся. Але большую частку замоўленых амерыканскіх гелікаптэраў Ірану атрымаць удалося.

Наступнае пытанне - як атрымлівалася Ірану захаваць у працоўным стане гелікаптэр, які лётае ўжо паўстагоддзя (у Іране - 40-45 гадоў). Тут дапамагла рамонтная вытворчасць, наладжаная таксама яшчэ шахам, а там, дзе яна не магла дапамагчы, дапамагалі Расея і Кітай. Праз іх Іран імпартаваў некаторыя запчасткі, якія сам зрабіць не мог. Былі нават зафіксаваны спробы кантрабанды такіх гелікаптэраў цалкам. Паколькі гелікаптэр грамадзянскі, асаблівага рэзанансу такія спробы не выклікалі.

Апошняе пытанне: чаму ж прэзідэнт Ірана захацеў ляцець на амерыканскім гелікаптэры такога шаноўнага ўзросту, хоць у яго распараджэнні - значна навейшыя (1992 год) гелікаптэры Мі-171 расейскай вытворчасці? ЗША, вядома, вораг Ірана, але Bell 214 і іншыя амерыканскія гелікаптэры – камфортнейшыя за расейскія, а ўзровень шуму ў іх значна ніжэйшы. Іншых тлумачэнняў пакуль няма. Магчыма, у апошнюю хвіліну тыя, хто адказваў за палёт, і пашкадавалі аб тым, што замест Мі-17 выбралі амерыканскі гелікаптэр таго тыпу, які ў краіне лётае ўжо 45 гадоў без кантролю з боку вытворцы.