Фобія кіроўцы: Пешаход выходзіць з ніадкуль проста пад колы
6- 18.05.2024, 20:46
- 8,406
![Фобія кіроўцы: Пешаход выходзіць з ніадкуль проста пад колы](https://i.c97.org/ai/544069/aux-head-1681391725-20230410_kirouca_360.jpeg)
Відэа.
Здаецца, з дзяцінства ўсім убівалі ў галовы: нельга ісці праз дарогу абы-дзе, нельга не глядзець пры гэтым па баках, нельга абыходзіць аўтобус спераду. Але заўсёды можа знайсціся той, хто гэтыя правілы праігнаруе. І такі чалавек – сапраўдная фобія любога кіроўцы.
Чытач расказаў карэспандэнту Onlíner, што 1 траўня вяртаўся дадому з жонкай і дзіцем.
– Раптам з-за аўтобуса на чырвонае святло выходзіць чалавек. Няўжо так добра адсвяткаваў Дзень працы? Ці рэч у нечым іншым? – абураны кіроўца.
Пешаход ішоў там, дзе, мяркуючы з усяго, увогуле няма пешаходнага пераходу. Аўтамабілям у гэты момант гарэла зялёнае святло. Мужчына быццам бы прытармазіў, выходзячы з аўтобуса, а потым упэўненым крокам пайшоў праз дарогу, не звяртаючы асаблівай увагі на аўто. Кіроўца пасля гэтага выканаў манеўр, збочыўшы ўпоперак дарогі і прадаўжаючы сігналіць. Магчыма, і правільна: пешаход прадаўжаў ісці праз дарогу, а ў сустрэчным кірунку ехалі іншыя машыны.