«Спорт дэградуе сямімільнымі крокамі»
4- 18.05.2024, 16:51
- 6,508

Пра яшчэ адно «дасягненне» лукашыстаў.
У рэдакцыю сайта Charter97.org напісаў чытач з Менска Анатоль:
– У трэцюю суботу траўня ў Беларусі адзначаюць Дзень працаўніка фізкультуры і спорту. Цяпер спорт у Беларусі перажывае чорныя часы. Тысячы сумленных працаўнікоў спорту падтрымалі пратэсты 20-га. Многіх з іх звольнілі. У выніку яны былі вымушаныя эміграваць праз рэпрэсіі.
Падтрымка ўзурпатарам Лукашэнкі пуцінскай агрэсіі супраць Украіны выклікала чарговыя пратэсты спартоўцаў, новыя рэпрэсіі і эміграцыю. Сусветная супольнасць адрэагавала, супраць РФ і Беларусі былі ўведзеныя ў спорце сур'ёзныя санкцыі.
Цяпер санкцыі распаўсюджваюцца на большасць спартовых федэрацый Беларусі. Частковыя выключэнні дзейнічаюць на тэніс і футбол, маладзёвыя каманды ў некаторых відах спорту. Спорт дэградуе ў краіне сямімільнымі крокамі.
Беларусь пакінулі замежныя спецыялісты, спартоўцы не могуць удзельнічаць у міжнародных спаборніцтвах і атрымліваць годную аплату. Кіруюць жа беларускім спортам сын дыктатара і ягоны былы ахоўнік.
Перакананы ў тым, што санкцыі супраць лукашысцкага спорту трэба ўзмацняць. Прэзентаваць Беларусь на міжнароднай арэне павінны спартоўцы, якія занялі антыдыктатарскую пазіцыю.