Амбасада Беларусі ў Эстоніі прыпыніла працу консульскай службы
1- 18.05.2024, 14:33
- 3,508
![Амбасада Беларусі ў Эстоніі прыпыніла працу консульскай службы](https://i.c97.org/p/articles/2016/ai-214502-aux-head-20160720_estonia_360.jpg)
У чым прычына?
Амбасада Беларусі ў Эстоніі прыпыняе працу консульскай службы, паведамляецца на сайце дыппрадстаўніцтва.
"З тэхнічных прычын пасольства Рэспублікі Беларусь у Эстонскай Рэспубліцы часова прыпыняе працу консульскай службы, у тым ліку выдачу віз, дакументаў, а таксама здзяйсненне іншых консульскіх дзеянняў", — гаворыцца ў паведамленні.
Пры ўзнікненні экстраных сітуацый грамадзянам Рэспублікі Беларусь рэкамендавалі звяртацца ў найбліжэйшыя дыпламатычныя прадстаўніцтвы: у пасольства ў Фінляндыі і генеральнае консульства ў Даўгаўпілсе (Латвія).
Аб тым, калі работа дыппрадстаўніцтва будзе адноўлена, паабяцалі праінфармаваць дадаткова.