«Займуся кар'ерай пасля 30 гадоў»
8- 18.05.2024, 11:06
- 3,378
![«Займуся кар'ерай пасля 30 гадоў»](https://i.c97.org/ai/418617/aux-head-1618467870-20210415_it_sector_360.jpg)
Беларуска патлумачыла, чаму выбрала дзяцей, а не працу.
Праграмісты часта сумяшчаюць догляд маленькіх дзіцяй і працу. Але BI-распрацоўніца Вольга (імя змененае) зрабіла іншы выбар — не працаваць у дэкрэце тры гады. Вось як яна патлумачыла яго для devby.io.
- Я распрацоўніца ў дэкрэце. І я не сумяшчаю працу і выхаванне дзіцяці - гэта мой выбар.
Мне 25 гадоў, у мяне 3 гады досведу працы BI-распрацоўшчыцай у IT-кампаніі. Я звыкла якасна рабіць тое, чым займаюся, гэта тычыцца і працы, і мацярынства. У дэкрэце я вывучаю шмат інфармацыі, каб быць упэўненай мамай, і ведаю, што не змагла б усё гэта сумяшчаць з кар'ерай.
За 2,5 гады я прайшла курс падрыхтоўкі да родаў, два курсы па ЛФК і масажы для немаўлят, курс самапрыкорму, курс лячэння ВРВІ, курс адаптацыі дзіцяці ў дзіцячым садку, прачытала шмат літаратуры ў дзіцячай псіхалогіі. Я адчуваю сябе спакойна і ўпэўнена ў мацярынстве дзякуючы гэтым ведам. Калі б мне давялося сумяшчаць працу і дэкрэт, я б не змагла так занурыцца ў гэтыя тэмы.
Пра сябе я таксама не забываю: падчас дэкрэту я навучылася кіраваць аўтамабілем і вывучыла польскую да ўзроўню А2, магу свабодна мець размаўляць з палякамі на патрэбныя мне тэмы.
У мяне ёсць фінансавая магчымасць не працаваць - і я выбрала такі варыянт для таго, каб надаць сваёй дачцэ час у самыя важныя для яе гады. І я бачу плён сваёй працы, заўважаю захопленыя погляды іншых бацькоў і выкладчыкаў, бачу, як час, праведзены з ёй, прыносіць найлепшыя дывідэнды для кожнага з бацькоў: гэта шчаслівае, адкрытае дзіця, развітае на свой узрост.
Мая дачка ўмее вызначаць эмоцыі іншых людзей, яна выдатна размаўляе ў 2,5 гады поўнымі сказамі на расейскай мове і кароткімі фразамі на польскай.
У нас ёсць магчымасць наняць няню на 8 гадзін 5 дзён на тыдзень, каб я выйшла на працу, але я не раблю гэтага, бо ведаю, наколькі важная роля дарослага для дзіцяці да 3 гадоў. А такі ўзровень догляду дзіцяці, які даю яму я, будзе каштаваць больш за мой заробак за месяц. Плюс мне вельмі падабаецца бавіць час з дачкой. Так, бывае складана, але ўсё ж я вельмі шчаслівая ў гэты момант.
Праз пару месяцаў дачка пойдзе ў садок, а я планую другую цяжарнасць. Цяпер у мацярынстве для мяне няма цёмных плям - я разбіраюся ва ўсіх этапах развіцця дзіцяці да 3 гадоў. Таму ў другім дэкрэце мне не трэба будзе столькі часу марнаваць на вывучэнне дзіцячых тэм.
У другім дэкрэце я таксама не планую працаваць, але буду вучыцца. За тры гады я хачу падцягнуць англійскую з B2 да С1, вывучыць польскую да ўзроўню B1, прайсці некалькі навучанняў у рамках сваёй спецыялізацыі. Упэўнена, што вярнуўшыся на працу ў 30 гадоў, я змагу канкураваць з іншымі спецыялістамі на рынку працы і паспею стварыць выдатную кар'еру. У мяне шмат амбіцый, ёсць галава на плячах, і я ўмею ёй карыстацца. А дэкрэт я разглядаю як трамплін.
Падарыць жыццё і прайсці першыя 3 гады жыцця побач са сваімі дзецьмі, навучыць іх не толькі базавым навыкам догляду сябе, але даць тое, што не дасць дзіцячы садок або няня, - гэта вельмі важна. З пачуццём рэалізаванасці ў мацярынстве і без неабходнасці раздзірацца паміж патрэбамі маленькага дзіцяці і дэдлайнамі на працы я змагу пабудаваць кар'еру пасля 30 — я ўпэўнена.
Я звольнілася перад пераездам у Польшчу - у маёй кампаніі яшчэ не было офіса тут, ды я і не шукала новую працу, бо мы планавалі нарадзіць дзіця, а старт у новай кампаніі запатрабаваў бы часу. На гэты момант мой былы працадаўца адкрыў офіс у Польшчы, актыўна яго развівае і запрашае мяне вярнуцца на працу, калі буду гатовая.