«Нас проста падманулі!»

У РФ атакаваны дронамі Сызранскі НПЗ дагэтуль не аднавіў працу.

На атакаваным 16 сакавіка пры дапамозе дронаў УСУ расейскім Сызранскім нафтаперапрацоўчым заводзе, дзе пасля налёту ўзнік пажар на ўстаноўцы па перапрацоўцы нафтапрадуктаў, дагэтуль не адноўленая вытворчасць, паведамляюць крыніцы The Insider.

Са звестак крыніц, былі выведзеныя з ладу транспартвальныя трубы сырой прадукцыі. Брыгады, якія працавалі на НПЗ, адправілі ў адпачынак, назваўшы прыкладныя тэрміны аднаўлення працы прадпрыемства і паабяцаўшы захаваць за супрацоўнікамі заробак і працоўныя месцы. Аднак днямі працоўныя атрымалі паведамленне аб тым, што выплаты будуць прыпыненыя да заканчэння рамонту:

«Наш брыгадзір літаральна пазаўчора напісаў, што выплаты больш паступаць не будуць, і пакуль не скончыцца поўнае аднаўленне інфраструктуры, нас адпаведна выклікаць таксама не будуць. У асабістым дыялогу брыгадзір таксама ўказаў, што падобная сітуацыя адбываецца і з іншымі брыгадамі. Атрымліваецца нас проста падманулі і пакінулі з голай пятай кропкай на вуліцы».

На гарачай лініі прадпрыемства адной з крыніц адказалі, што ведаюць пра сітуацыю і пра тое, што кіраўніцтва «цалкам уваходзіць у становішча» супрацоўнікаў, аднак цяпер «такія меры неабходны і будуць працягвацца да заканчэння рамонтных работ».

Скрыншоты перапіскі ёсць у распараджэнні рэдакцыі The Insider.