Маршрутка вылецела ў кювет у жорсткім ДТЗ пад Карэлічамі
16- 7.04.2024, 15:40
- 8,578
Кіроўца пайшоў на абгон аўтамабіля, які паварочваў.
У Карэліцкім раёне адбылася жорсткая аварыя з пацярпелымі з удзелам маршрутнага таксі. Падрабязнасці паведамілі ў ДАІ УУС Гарадзенскага аблвыканкама.
Аварыя адбылася блізу 18.00 гадзін пад Карэлічамі ў суботу, 6 красавіка, на трасе рэспубліканскага значэння Р11 кірункам Парачаны-Навагрудак-Нясвіж. Маршрутнае таксі «Мэрсэдэс» ехала ад гарадскога пасёлка Карэлічаў у бок гарадскога пасёлка Мір.
Аднак на 84-м кіламетры аўтадарогі на неакрэсленым скрыжаванні кіроўца маршруткі пайшоў на абгон легкавога «Пежо», які паварочваў налева, і адбылося сутыкненне.
Пасля сутыкнення маршрутка з’ехала ў кювет. У аварыі пацярпелі 36-гадовая кіроўца легкавушкі, а таксама яе пасажырка. З траўмамі рознай ступені цяжкасці дзве жанчыны шпіталізаваныя.