У гарадзенскай кватэры знайшлі целы мужа і жонкі

Распачатая крымінальная справа.

16 сакавіка 44-гадовая жыхарка Гародні перастала выходзіць на сувязь. Яе дочкі, якія жывуць за мяжой, забілі трывогу і папрасілі сваю бабулю наведаць бацькоў. 18 сакавіка пенсіянерка адправілася да дачкі дадому. Брамка ў двор была закрытая, а дзверы ў доме не замкнутыя на ключ. У адным пакоі жанчына знайшла цела сваёй дачкі з ранкамі і гематомамі на твары і шыі, а ў іншым - цела 51-гадовага зяця.

Вядома, што незадоўга да трагедыі муж і жонка пасварыліся, але памірыліся і працягнулі жыць разам. Згодна з адной з версій следчых, мужчына збіў і задушыў жанчыну. Калі ён зразумеў, што жонка мёртвая, то паспрабаваў замесці сляды - пра гэта сведчаць выяўленыя ў пралцы скрываўленыя рэчы і замытыя след крыві на дыване. Пасля гэтага мужчына ўчыніў самагубства.

Распачатая крымінальная справа паводле артыкула забойства. Прызначаны судова-медыцынскія экспертызы.