У супермаркетах Нямеччыны выявілі дзясяткі кілаграмаў какаіну

Наркотык знайшлі ў скрынях для бананаў.

Супрацоўнікі некалькіх супермаркетаў знайшлі какаін, які быў схаваны ў скрынях для бананаў, у некалькіх супермаркетах нямецкай сталіцы Берліна і зямлі Брандэнбург.

Пра гэта паведамляе Bild.

Супрацоўнікі дысконтных супермаркетаў, сярод іншых Lidl, знайшлі наркотыкі ў чацвер раніцай падчас распакавання і гатункавання тавараў.

Пасля гэтай знаходкі паліцыя правяла маштабную паліцэйскую аперацыю, падчас якой узяла пад ахову краму ў Шэнэфельдзе пад Берлінам і краму ў Марыенфельдзе.

Паводле звестак праваахоўнікаў, гаворка ідзе пра чатыры супермаркеты ў Брандэнбургу і сем у Берліне. У кожным супермаркеце знайшлі ад 20 да 100 кілаграмаў наркотыкаў.

Паколькі паліцыя ўсё яшчэ вывучае тавары, агульную колькасць какаіну да гэтага часу не вызначылі. Прэс-сакратарка берлінскай паліцыі Беатэ Кардэльс пацвердзіла, што наркотыкі схавалі ў скрынях пад садавіной.

Як сцвярджае Bild, 100 кілаграмаў какаіну цяпер маюць кошт блізу 4 мільёнаў еўраў.