Кітай гуляе з ЗША і Еўропай у розныя гульні

Разбор эксперта.

Кітай мяркуе, што яму ёсць пра што дамаўляцца з Еўропай, у той час як паміж Злучанымі Штатамі Амерыкі і Пекінам існуе жорсткае супрацьстаянне. Пра гэта FREEДОМ распавёў акадэмічны дырэктар украінскага Цэнтра публічнай дыпламатыі Аляксей Палёгкі.

- З Еўропай Кітай спрабуе гуляць трошкі ў іншую гульню. Калі са Злучанымі Штатамі - гэта ўсё ж супрацьстаянне і значна больш жорсткія перамовы - значна менш прасторы для манеўру, то, уласна, Кітай мяркуе, што Еўропа менш самастойная, гэта значыць, яна залежыць палітычна ад Злучаных Штатаў, але пры гэтым Еўропа значна больш зацікаўленая менавіта ў такім канструктыўным дыялогу з Кітаем, - сказаў ён.

Лёгкі канстатаваў, што Еўрапейскі Звяз для Кітая - гэта найбуйнейшы гандлёвы партнёр, але і Кітай для ЕЗ - адзін з ключавых і рынкаў, і пастаўшчыкоў. З гэтым, з яго слоў, і звязаная актыўнасць еўрапейскай дыпламатыі.

- Але тут, ізноў жа, Кітай працуе ў тактыцы такога «падзяляй і пануй». Кітай заўсёды спрабаваў у Еўропе апераваць супярэчнасцямі, выбудоўваць сваю палітыку не праз структуры Еўразвязу, а праз канкрэтныя краіны і, адпаведна, гуляць вось на гэтых адрознасцях поглядаў, - сказаў акадэмічны дырэктар Цэнтра публічнай дыпламатыі.

Ён дадаў, што Кітай паказвае гатоўнасць знаходзіць асаблівыя стасункі з тымі краінамі, якія ўлічваюць яго інтарэсы. У той жа час, са слоў Палёгкага, ёсць пытанні наконт таго, што фактычна на траціну кітайскі экспарт перасягае ў тавараабарачэнні экспарт Еўропы ў Кітай. Дарэчы, Кітай не дазваляе свабодна заходзіць на свой рынак еўрапейскім кампаніям, у тым ліку нямецкім.

- Для Нямеччыны гэта - балючае пытанне, бо яна цяпер адчувае дастаткова моцны эканамічны ціск, звязаны з некалькімі фактарамі. Перш за ўсё, гэта і вайна ва Украіне, бо гэта ўсё ж абмежаванне супрацоўніцтва з Расеяй, паставак больш танных энэрганосьбітаў, гэта неабходнасць інвеставаць больш у абарону, гэта запаволенне ў нямецкай індустрыі і, уласна, гэта патэнцыйныя складанасці менавіта ў гандлі з Кітаем.

Таму што ўсё ж дыспарытэт паміж экспартам і імпартам Кітая і Нямеччыны таксама дастаткова значны. Таму тут Кітай мяркуе, што з Еўропай яму ёсць аб чым дамаўляцца. Еўропа больш схільная да таго, каб вынесці на першую паласу ў дачыненнях усё ж эканоміку, а не палітыку. А вось са Злучанымі Штатамі цяпер на першую паласу выходзіць усё ж пытанне палітыкі і бяспекі, - растлумачыў Палёгкі.