Для «эліты» РФ стварылі спецпадраздзяленне ўдалечыні ад фронту

Тамака яны могуць бяспечна прадэманстраваць адданасць Крамлю.

Для маскоўскай “эліты” стварылі спецыяльнае падраздзяленне ўдалечыні ад фронту. Тамака яны могуць бяспечна прадэманстраваць адданасць Крамлю.

Пра гэта паведамляе РБК-Украіна са спасылкай на Міністэрства абароны Вялікабрытаніі ў Twitter.

Як зазначаецца ў паведамленні, муж вядомай расейскай блогеркі Алены Бліноўскай уступіў у падраздзяленне расейскага войска, спрабуючы не дапусціць трапляння Бліноўскай у турму паводле абвінавачання ва ўхіленні ад выплаты падаткаў. Аляксей Бліноўскі 16 красавіка 2024 года быў сфатаграфаваны падчас службы ў спецыяльна створанай вайсковай частцы УС РФ "Барс Каскад" каля Украіны.

Са звестак брытанскай выведкі, гэтае падраздзяленне было створанае намеснікам старшыні Дзярждумы абароны Дзмітрыем Сабліным. Падраздзяленне ў асноўным удзельнічае ў аперацыях з беспілотнымі лятальнымі апаратамі, як правіла, удалечыні ад лініі фронту. Яно актыўнае з кастрычніка 2022 года, і ў яго ўвайшлі як мінімум 10 сябраў партыі “Адзіная Расея” і сыны крамлёўскіх VIP-персон. Паведамляецца, што залічаным VIP-персонам даюцца дадатковыя сродкі абароны.

“Залічэнне ў “Барс Каскад”, магчыма, дазволіць дзеячам расейскай эліты абысці ўсталяваныя законам патрабаванні расейскай вайсковай службы з гарантаванай бяспекай і патэнцыйна набыць прыхільнасць Крамля”, - адзначаюць у Мінабароны Брытаніі.