«Расейскае барахло»: экспэрт NATO паказаў, што УСУ пакінулі ад гонару расейскага ВПК
8- 21.04.2024, 20:43
- 17,940
![«Расейскае барахло»: экспэрт NATO паказаў, што УСУ пакінулі ад гонару расейскага ВПК](https://i.c97.org/ai/592399/aux-head-1713721264-20240101_storm_360.jpg)
Украіна зноў паказала бездапаможнасць расейцаў.
У сацыяльных сетках вайсковыя экспэрты смяюцца з расейскай сістэмы СПА С-400, якую расейцы ўважаюць найлепшай у свеце. Аднак Украіна, ужо некалькі разоў дэманстравала слабасць «якая не мае аналагаў» сістэмы, зноў паказала бездапаможнасць расейцаў, знішчыўшы цэлы дывізіён С-400 у Джанкое, піша «Дыялог».
Італьянскі вайсковы аналітык, экспэрт наземных сілаў, артылерыйскіх і ракетных сістэмаў NATO Томас Тайнер на сваёй старонцы ў сацыяльнай сетцы Twitter пракаментаваў удар Украіны па расейскім вайсковым аб'екце ў Крыме, дзе ўначы ўкраінскія сілы пашкодзілі расейскую батарэю С-400 з дапамогай пары тактычных балістычных ракет MGM -140 ATACMS.
Тайнер адзначае, што Турцыя заплаціла 2,5 мільярда даляраў за 4 агнявыя ўстаноўкі С-400 + 192 ракеты і, як вынік, страціла сваю долю сумаю 1,4 мільярда даляраў у распрацоўцы F-35 і 9 мільярдаў даляраў у ануляваных заказах на запчасткі для F-35 у якасці санкцый з боку Вашынгтона.
«Разам: $12,9 млрд за 4 адзінкі расейскага барахла. Швецыя закупіла 4 агнявыя адзінкі «Патрыёт» + 300 ракет на 3,2 млрд даляраў», – з сарказмам каментуе ён інвестыцыі Турцыі ў «расейскае барахло».
Батарэя С-400 атрымала катастрафічныя пашкоджанні і практычна была знішчаная.
![](https://i.c97.org/ai/592399/aux-1713721299-2222.jpg)
![](https://i.c97.org/ai/592399/aux-1713721272-1111.jpg)