Экспэрт распавёў, як дапамога ЗША для Украіны адаб'ецца на планах расейцаў
1- 21.04.2024, 20:26
- 13,788
![Экспэрт распавёў, як дапамога ЗША для Украіны адаб'ецца на планах расейцаў](https://i.c97.org/ai/592303/aux-head-1713635720-20240101_kniga_360.jpg)
Лік пайшоў на дні.
У Кангрэсе ЗША прагаласавалі за дапамогу Украіне, якая, як мяркуецца, паступіць у найбліжэйшы час. У той жа час раней зʼяўлялася інфармацыя аб падрыхтоўцы расейцамі наступу, пачатак якога планаваўся на чэрвень 2024 года.
Аднак падтрымка Украіны з боку ЗША можа змяніць наступальныя дзеянні акупантаў. Пра гэта 24 Каналу распавёў вайсковы аглядальнік Дзяніс Паповіч, адзначыўшы, што планы наступу ворага засноўваліся на тым, што ў УСУ ёсць праблемы з пастаўкамі вайсковай дапамогі ад Злучаных Штатаў.
Сітуацыя будзе паляпшацца
Да таго як еўрапейскія краіны пачалі павялічваць абʼёмы дапамогі Украіне, уклад Вашынгтона складаў блізу 50% ад усёй вайсковай і фінансавай падтрымкі заходніх партнёраў.
«Гэта была значная доля, і яна мела ўплыў на сітуацыю на фронце. Між іншым, Аўдзееўка была пакінутая праз тое, што ўкраінскае войска не мела дастатковай колькасці боепрыпасаў. Цяпер ёсць пэўныя праблемы на Пакроўскім кірунку – на захад ад Аўдзееўкі. Таксама ёсць цяжкасці паблізу Часовага Яра, дзе вайсковая авіяцыя ворага адпрацоўвае непасрэдна па лініі боесутыкнення», – адзначыў вайсковы аглядальнік.
У той жа час, з ягоных слоў, калі б УСУ мелі сістэмы СПА блізкага радыусу дзеяння, боепрыпасы, такога не было б. Тады б украінскія абаронцы маглі б не дапусціць ворага да гэтых рубяжоў.
Калі зʼявіцца неабходная тэхніка і зброя, сітуацыя будзе паляпшацца для УСУ. Цяпер можна сцвярджаць, што «акно магчымасцяў», якое адкрылася для Расеі праз недахоп боепрыпасаў у Сіл абароны, закрываецца.
«Вельмі хутка мы будзем атрымліваць дапамогу са ЗША. Лік пайшоў на дні», – падкрэсліў ён.
Ад гэтага будзе залежаць тактыка
Аднак зараз, на думку вайсковага аглядальніка, цяжка прагназаваць, як будуць далей разгортвацца баявыя дзеянні. Гэта, між іншым, будзе залежаць ад таго, колькі ў УСУ будзе ўзбраення і якая будзе колькасць асабовага складу.
У той жа час ёсць пэўныя фактары, якія могуць істотна ўплываць на абставіны на фронце.
Так, у пакеце дапамогі, які павінен даць Вашынгтон, ёсць патрабаванне да Джозэфа Байдэна даць Кіеву ракеты ATACMS.
«Калі гэта адбудзецца, то надалей можа мець пэўны ўплыў на баявыя дзеянні. Асабліва, калі Украіне дадуць ATACMS працягласцю 300 кіламетраў. Тады мы зможам даставаць глыбока ў аператыўных тылах ворага і знішчаць яго склады, штабы, зборы войскаў», – адзначыў Паповіч.
Таксама важнае значэнне для сітуацыі на фронце будуць мець знішчальнікі F-16, якія Украіне ў пачатку лета павінны перадаць партнёры. Аднак важна, у якой колькасці іх дадуць.
«Калі гэта будзе вялікая колькасць, тады мы зможам на пэўных участках фронту знішчаць носьбіты КАБаў, якія зараз вельмі даймаюць. Дзякуючы кіраваным авіяцыйным бомбам вораг мае магчымасці прасоўвацца», – уважае ён.
Акрамя таго, калі ў УСУ будзе шмат боепрыпасаў, а акрамя паставак ад ЗША, мы павінны атрымаць набоі дзякуючы ініцыятыве Чэхіі, гэта можа змяніць расстаноўку сіл у плане боепрыпасаў.
«Ад гэтага будзе залежаць тактыка дзеянняў і ўзброеных сіл Расеі, і Узброеных Сіл Украіны», – рэзюмаваў Дзяніс Паповіч.