Politico: ЗША разглядаюць варыянт адпраўкі ва Украіну да 60 сваіх вайсковых дарадцаў
3- 21.04.2024, 19:18
- 5,870
![Politico: ЗША разглядаюць варыянт адпраўкі ва Украіну да 60 сваіх вайсковых дарадцаў](https://i.c97.org/p/articles/ai-161406-aux-head-armija_usa_i_ukr_360.jpeg)
Якія задачы ў іх ёсць ва Украіне.
ЗША разглядаюць варыянт адпраўкі дадатковых вайсковых дарадцаў у Офіс абароннага супрацоўніцтва пры амбасадзе ў Кіеве (ODC). Пра гэта 20 красавіка паведаміла Politico са спасылкай на прадстаўніка Пентагона Пэта Райдэра і амерыканскіх чыноўнікаў.
Са слоў Райдэра, дарадцы не будуць выконваць баявыя задачы, а сканцэнтруюцца на кансультацыях і падтрымцы ўкраінскага ўрада і вайскоўцаў. Пры гэтым ODC укамплектаваны выключна персаналам міністэрства абароны, з'яўляецца часткай амбасады ЗША і падпарадкоўваецца кіраўніку місіі.
З меркаванняў бяспекі ў Пентагоне не ўдакладняюць колькасць сваіх прадстаўнікоў у амбасадзе.
Чатыры амерыканскія чыноўнікі і крыніцы, знаёмыя з планамі Пентагона, сцвярджаюць, што дадатковы кантынгент будзе падтрымліваць лагістыку і нагляд за ўзбраеннем, якое ЗША адпраўляе ва Украіну. Таксама новы амерыканскі кантынгент будзе дапамагаць украінскім вайскоўцам з тэхнічным абслугоўваннем узбраення.
У той жа час два амерыканскія чыноўнікі заявілі, што гаворка можа ісці аб кантынгенце колькасцю да 60 вайскоўцаў.