Як часта беларусаў штрафуюць за шум у кватэры?
6- 21.04.2024, 14:30
- 7,244
![Як часта беларусаў штрафуюць за шум у кватэры?](https://i.c97.org/p/articles/ai-246648-aux-head-20170412_zes_t.jpg)
У МУС адказалі на гэтае пытанне.
З пачатку года ў Беларусі да адміністрацыйнай адказнасці праз шум прыцягнулі амаль 5 тысяч чалавек. Пра гэта паведаміў тэлеграм-канал МУС.
У МУС заявілі, што шумнае баўленне часу - гэта адна з самых распаўсюджаных прычын канфліктаў паміж суседзямі. За парушэнне правіл карыстання жылымі памяшканнямі з 23.00 да 7.00 прадугледжаны штраф у суме да 30 базавых адзінак. Гэта значыць, да 1200 рублёў.
З пачатку года за такія парушэнні да адміністрацыйнай адказнасці прыцягнулі амаль 5 тысяч чалавек. Калі палічыць прыблізна, то атрымліваецца больш за 45 чалавек кожны дзень.
Пры гэтым прадстаўнік сілавых структур заявіў, што нярэдка па прыбыцці на месца шуму больш няма. Але разбіральніцтва ўсё адно праводзяць, «апытаўшы не толькі яго ініцыятара, але і іншых суседзяў, а таксама грамадзян, у дачыненні да якіх паступаюць скаргі». «Пасля пацвярджэння інфармацыі праваахоўнікі ўжывуць захады ўздзеяння», — заявілі ў МУС.