Польшча і Літва пачалі вайсковыя вучэнні ў Сувальскім калідоры
6- 21.04.2024, 14:22
- 9,412
![Польшча і Літва пачалі вайсковыя вучэнні ў Сувальскім калідоры](https://i.c97.org/ai/275440/aux-head-1515605345-suatskij_koridor_360.jpeg)
Стала вядома, які сцэнар адпрацоўваецца.
У нядзелю, 21 красавіка, Літва і Польшча пачалі супольныя тактычныя вучэнні «Narsus Grifonas 24/II» («Храбры грыфон 24/II»). У рамках гэтых трэніровак вайскоўцы адпрацуюць абарончыя сцэнары ў Сувальскім калідоры.
Пра гэта паведамляе LRT.
Адзначаецца, што ў гэтых трэніроўках таксама возьмуць удзел вайскоўцы з ЗША і Партугаліі. Вучэнні працягнуцца да 25 красавіка.
Як піша выданне, паралельна з «Brave Griffin 24/II» у Літве праходзяць вучэнні «Удар мяча», арганізаваныя Узброенымі сіламі Злучаных Штатаў.
Сувальскі калідор - гэта 100-кіламетровы памежны адрэзак паміж Літвой і Польшчай, які мяжуе з Калінінградскай вобласцю на захадзе і з Беларуссю на ўсходзе.
У канцы верасня беларускі дыктатар Аляксандр Лукашэнка абмеркаваў са сваімі вайскоўцамі магчымы напад на Сувальскі калідор. У размове з беларускімі вайскоўцамі дыктатар заявіў, што Літва і Польшча дарма «так сябе паводзяць» і «варнякаюць пра Сувальскі калідор»
NATO ўважае Сувальскі калідор за найбольш імаверную цэль у выпадку агрэсіі РФ супраць краін Альянсу.