У Крамлі «стрэлка» намячаецца

Пуціна хочуць спытаць, што за «падстава».

Тое, чаго баяліся ў Крамлі, здарылася.

Учора Палата прадстаўнікоў ЗША прагаласавала за выдзяленне дапамогі Украіне ў суме $60,8 млрд. Быў прыняты таксама законапраект H.R. 8038 «Мір праз сілу ў 21-м стагоддзі», які надзяляе амерыканскага прэзідэнта паўнамоцтвамі па ўвядзенні новых санкцый супраць Масквы і Тэгерана.

Пасля зацвярджэння Сенатам ЗША названых законапраектаў Белы Дом можа канфіскоўваць замарожаныя расейскія актывы і накіроўваць іх на аднаўленне ўкраінскай інфраструктуры, зруйнаванай расейскімі войскамі.

Размова ідзе аб 300 мільярдах даляраў пуцінскай Расеі, размешчаных у Заходніх банках. Паводле інфармацыі амерыканскіх СМІ гаворка пакуль ідзе толькі аб 5 млрд даляраў расейцаў у амерыканскіх банках, якія могуць быць выдзеленыя Украіне. Вось гэтага ў Крамлі баяліся больш, чым вайсковай дапамогі Украіне.

Запазычанні Крамля ў Кітая і выкарыстанне Ірана, як галоўнага партнёра ў вайне з Украінай, ужо не толькі пазбавіла Расею надзей на вяртанне ў цывілізаваную супольнасць дэмакратычных краін, але і ставіць пад сумнеў далейшае існаванне самога крамлёўскага рэжыму.

Крушэнне расійскай эканомікі, якая трымаецца на нафце і газе, не так страшна Крамлю, як магчымы бунт алігархічнай вярхушкі Расіі, якая губляе накрадзеныя грошы, даўно задаюць адзін аднаму пытанне: «А навошта нам гэта? Жылі ж сабе спакойна. І грошай, і зямлі было ўсім удосталь! Навошта вайной на Украіну папёрліся?». А вінаваты ў гэтым толькі адзін, якому захацелася «збіраць» чужыя землі.

Здаецца, у Крамлі стрэлка намячаецца, дзе дзецюкі спытаць жадаюць, што за «падстава?».

Тэлеграм-канал «Вольнадумец»