«Гэта рэкорд!»: беларусы збіраюць у лясах нечаканы ўраджай грыбоў
20- 21.04.2024, 20:35
- 28,414
![«Гэта рэкорд!»: беларусы збіраюць у лясах нечаканы ўраджай грыбоў](https://i.c97.org/ai/592346/aux-head-1713689573-20240421_masliata_360.jpg)
Так рана маслякі яшчэ не з'яўляліся.
Пакуль у Віцебскай вобласці беларусаў замятала снегам, у Берасцейскай ужо збіралі грыбы. Беларуска падзялілася ў TikTok відэаролікам з першымі знойдзенымі маслякамі. Свой ураджай дзяўчына сабрала пад Берасцем 19 красавіка.
@oxipriroda #маслята #сезоноткрыт #тихаяохота #весна2024 #беларусь #шок #неможетбыть #рекомендации❤️❤️ #сенсации # #врекомендации🤤😻️💓 #врек #рек #продвижение ♬ оригинальный звук - oxipriroda
@oxipriroda #неможетбыть #шок #сезоноткрыт #тихаяохота #маслята #весна2024 #беларусь #рекомендации❤️❤️ #врек #врек #рек #врекомендации🤤😻️💓 #топ ♬ оригинальный звук - oxipriroda
«Прыйшла ў лес сабраць для гарбаты пялёсткаў і бутонаў дзікай яблыні, а тут такая прыгажосць! Маслякі!», — захапілася аўтарка відэароліка і прадэманстравала некалькі знойдзеных каля яблыні маладых маслякоў.
Некаторыя з карыстальнікаў, якія пакінулі каментары, не паверылі.
«Гэта жарт», - напісаў адзін каментатар, а іншы дадаў, што гэта ўсё «казкі Агніі Барто».
Аўтарка відэа адказала, што сустрэць грыбы так рана - для яе таксама рэкорд. Яна прыгадала, што летась знайшла першы грыб 1 траўня, і тады ёй таксама не паверылі.
Але знайшліся і тыя, хто ўжо сабраў першы грыбны ўраджай. Хтосьці нават заявіў аб знойдзеных яшчэ ў сакавіку лісічках.
«Я паказала лісічкі ў сакавіку на сваёй старонцы. Як высмейвалі мяне. Хаця відэа не адно і бачна, што рэальна зрываю іх», — напісала адна дзяўчына.
«Я два дні таму знайшла маслякі», - распавяла яшчэ адна дзяўчына ў каментарах, а аўтарка відэароліка дадала, што ўжо тры чалавекі заявілі, што знайшлі маслякі ў красавіку.