РасСМІ паведамілі пра затрыманне палітолага Суздальцава, ён аспрэчыў гэтую інфармацыю

(Абноўлена) І назваў «правакацыяй».

Telegram-канал SHOT, на які сталі спасылацца расейскія медыя, паведаміў пра затрыманне 63-гадовага расейскага палітолага Андрэя Суздальцава, нібыта яго абвясцілі ў вышук беларускія ўлады. Сам палітолаг аспрэчыў гэтую інфармацыю.

Першапачаткова SHOT паведаміў, што палітолаг узяты пад варту і яму нібыта пагражае да сямі гадоў пазбаўлення волі паводле ч. 1 арт. 361-1 «Стварэнне экстрэмісцкага фармавання або ўдзел у ім».

Але сам палітолаг у размове з РБК аспрэчыў інфармацыю пра сваё затрыманне.

– Я не затрыманы, я дома. Мяркуючы з усяго, гэта нейкая правакацыя, – сказаў ён.

Суздальцаў – востры крытык рэжыму Лукашэнкі, але выступае з імперскіх пазіцый.