«Паставілі ў адзін рад»: Z-каналы выкацілі прэтэнзіі да расейскага камандавання пасля ўдару па Джанкоі

УСУ змаглі парай удараў нанесці вялікую шкоду сістэмам СПА расейцаў.

У расейскіх Z-каналах пачалася істэрыка праз кадры, на якіх паказаныя наступствы ўкраінскага ўдару па аэрадроме УС РФ у Джанкоі (Крым).

Самае сучаснае СПА на ўзбраенні РФ было знішчанае. Фота выклаў расейскі прапагандысцкі рэсурс «Осведомитель», заўважыў «Дыялог».

Новыя кадры пацвердзілі паведамленні, што ў выніку ўдару былі знішчаныя тры пускавыя ўстаноўкі і радыёлакацыйная сістэма са складу ЗРК С-300 «Трыумф».

УСУ змаглі парай удараў нанесці вялікую шкоду супрацьпаветранай сістэме ворага ў акупаваным Крыме.

«На жаль, мінімум чатыры пускавыя ўстаноўкі ад ЗРК С-400 былі знішчаныя ракетным ударам УСУ ў ноч з 16 на 17 красавіка. Дарэчы, на здымку можна заўважыць: нікуды не падзелася тэндэнцыю ставіць усе пускавыя ўстаноўкі ў адзін рад. Пэўна, каб у выпадку такіх удараў менавіта ўсе і згарэлі», – абурыўся Z-канал.

Вядома, што пры ўдары пацярпеў таксама пункт прыёму і рамонту вайсковай тэхнікі 77-й зенітнай ракетнай брыгады УС РФ. Там, паводле чутак, таксама знаходзіліся на абслугоўванні некалькі ўстановак «С-300».