27 траўня 2024, панядзелак, 5:55
Падтрымайце
сайт
Сім сім,
Хартыя 97!
Рубрыкі

Экспэрт: Ва УСУ ўжо ёсць «альтэрнатыва» ATACMS

Экспэрт: Ва УСУ ўжо ёсць «альтэрнатыва» ATACMS

Для нанясення ўдараў па тэрыторыі РФ.

Ваенна-палітычны аглядальнік Аляксандр Каваленка расказаў аб украінскай знаходлівасці.

Калі нават ва Украіны будуць дальнабойныя ракеты заходняга ўзору, то УСУ, хутчэй за ўсё, не дазволяць іх выкарыстоўваць для ўдараў па вайсковых цэлях на тэрыторыі РФ, нагадаў Аляксандр Каваленка.

Менавіта таму Украіне важна мець сваю зброю, няхай нават гэта будуць мадэрнізаваныя савецкія ракеты.

Ваенны экспэрт распавёў, як Украіна можа часткова кампенсаваць нястачу заходняга ўзбраення: “Можна ўзяць савецкую ракету і замяніць у яе тыя часткі, якія маральна і тэхнічна састарэлі. Агульная канцэпцыя ракет застаецца нязменнай: ракета ёсць ракета. Неабходна замена тых ці іншых частак, змяншэнне або павелічэнне вагі той ці іншай кампаненты, павелічэнне вагі чаго-небудзь, напрыклад, баявой часткі, каб яна была больш магутнай, або замена рухавіка на нешта больш сучаснае. Мы ніколі не гаворым пра тое, што калі зброя старая, то яе нельга мадэрнізаваць”.

“Галоўнае - гэта адпаведныя тэхналогіі, якія можна інтэграваць у тэхніку. Я не выключаю таго, што сапраўды па Джанкоі магло прыляцець нешта такое больш удасканаленае за гэтыя гады з таго, што мы атрымалі ў свой час “у спадчыну”, - выказаў здагадку папулярны вайсковы блогер.

Пры гэтым Аляксандр Каваленка растлумачыў, для чаго УСУ могуць спатрэбіцца савецкія мадэрнізаваныя ракеты: “Калі б мы атрымлівалі ад Захаду, напрыклад, кожны месяц нейкую кампаненту аператыўна-тактычных ракетных комплексаў (тыя ж ATACMSы), то мы б не змаглі імі біць па тэрыторыі самой Расейскай Федэрацыі, а толькі па часова акупаваных тэрыторыях. Маючы ў наяўнасці сваю ўласную зброю, мы можам такім чынам (няхай гэта нават мадэрнізаваная ракета) наносіць удары па тэрыторыі Расейскай Федэрацыі. На мой погляд, гэта нядрэнная альтэрнатыва для будучага ўплыву на тэрыторыю краіны-акупанткі”.

Напісаць каментар

Таксама сачыце за акаўнтамі Charter97.org у сацыяльных сетках