Кангрэсмэны прапанавалі даць Украіне дальнабойныя ATACMS

Яны здольныя збіваць цэлі на адлегласці да 300 км.

Спікер Палаты прадстаўнікоў ЗША Майк Джонсан прапануе Кангрэсу абавязаць прэзідэнта ЗША Джо Байдэна даць Украіне ATACMS.

Пра гэта паведамляе Charter97.org са спасылкай на адпаведны законапраект.

У дакуменце прапануецца ўскласці на прэзідэнта Байдэна абавязальніцтва перадаць Украіне ATACMS вялікай далёкасці, «як толькі гэта будзе магчыма».

У залежнасці ад мадыфікацыі далёкасць стральбы можа быць рознай. Да прыкладу, у базавай версіі ATACMS block I (MGM 140A) яна складае толькі 165 км, а ў ATACMS block IIA (MGM 164B) – ужо 300 км.

Нагадаем, Украіна яшчэ летась запытала ў ЗША перадачу дальнабойных ракетаў ATACMS, якія здольныя знішчаць цэлі на адлегласці да 300 кіламетраў. Іх нашы вайскоўцы могуць запускаць пры дапамозе рэактыўных сістэмаў залпавага агню HIMARS.

У кастрычніку летась нашы абаронцы нанеслі ракетны ўдар па аэрадромах у Бярдзянску і Луганску. Расейцы скардзіліся, што для гэтага былі задзейнічаныя ракеты ATACMS. Пазней у Белым доме пацвердзілі перадачу Украіне такога ўзбраення, але з далёкасцю да 165 кіламетраў.

Пры гэтым у амерыканскіх СМІ пісалі, што такія ракеты былі перададзеныя ў невялікай колькасці.