Уладзімір Фясенка: Палова «мірных планаў» - фэйкавыя

Як украінскі Глабальны саміт міру зблытаў карты Крамлю.

Кіраўнік КНР Сі Цзіньпін на сустрэчы з нямецкім канцлерам Олафам Шольцам сёння прапанаваў свой «мірны план». Ён змяшчае чатыры максімальна размытыя фармулёўкі.

Нядаўна ў СМІ быў і «мірны план Турцыі». Пуцін таксама вельмі шмат кажа «пра мір». У ЗША гавораць аб мірным плане Дональда Трампа.

Чаму апошнім часам так шмат гэтых «мірных планаў»? Пра гэта сайт Charter97.org пагаварыў з вядомым украінскім палітолагам, кіраўніком Цэнтра прыкладных палітычных даследаванняў «Пента» Уладзімірам Фясенкам:

- Палова з пералічаных «мірных планаў» - фэйкавыя. Няма, напрыклад, нейкага «мірнага плана Трампа». Аб ім напісала адно з вядомых амерыканскіх выданняў, але гэта не план, заяўлены Трампам. Гэта чуткі, закліканыя згуляць супраць Трампа, выкарыстоўваючы яго неадназначную пазіцыю наконт расейска-ўкраінскай вайны.

Турэцкага плана, мяркуючы па ўсім, таксама няма. Турцыя нідзе афіцыйна не пацвярджае, што гэта яе план. Я ўжо агучваў версію, што гэта хутчэй план расейскага алігарха Рамана Абрамовіча, які ён прасоўвае праз Турцыю.

- З чым звязанае тое, што апошнім часам у інфармацыйнай прасторы так шмат «мірных планаў»?

- Тут працуе адзін галоўны фактар. Ён тлумачыць у тым ліку і тое, чаму Пуцін, Лаўроў і Захарава сталі часта ўздымаць гэтую тэму. Справа ў тым, што акурат на мінулым тыдні была вызначаная канкрэтная дата і месца правядзення Глабальнага саміту міру. Ён пройдзе ў Швэйцарыі 15-16 чэрвеня.

Натуральна, гэта фактар, які зараз зрабіў больш актуальнай тэму далейшых мірных перамоў. Падкрэслю, што пакуль размова аб мірных перамовах не ідзе. Важна разумець, што саміт міру - гэта не аб перамовах з РФ. Гэта абмеркаванне формулы міру прэзідэнта Украіны Уладзіміра Зяленскага, пазіцыі Украіны аб тым, як скончыць вайну і спроба знайсці нейкую супольную платформу. Перш за ўсё - з краінамі Глабальнага Поўдня.

Каб была не проста пазіцыя Украіны, а нейкі кампрамісны варыянт, магчыма, дарожная карта цэлай групы краін. Далей - ці ж РФ пагодзіцца, ці ж не.

Расейцаў гэта вельмі ятрыць, і яны, вядома ж, будуць спрабаваць сарваць Глабальны саміт міру, паспрабуюць прынізіць яго значэнне. Ідзе такая палітычная і ідэалагічная барацьба вакол саміту. Расейцы зараз, наадварот, спрабуюць навязаць сваё бачанне мірнага працэсу. Мір на расейскіх умовах. Ідзе барацьба сустрэчных курсаў: Украіна прасоўвае сваю пазіцыю, а РФ - сваю.

Натуральна, што Кітай таксама рэагуе. Але насамрэч ніякага канкрэтнага плана ў іх няма. Год таму МЗС Кітая (не сам Сі Цзіньпін) заявіла кітайскую «мірную пазіцыю» з 10 прынцыпаў. Яна была вельмі абстрактная.

Цяпер жа ўжо сам Сі заявіў нейкія чатыры прынцыпы, але яны таксама вельмі размытыя. Яны, скажам так, не з’яўляюцца нейкім планам урэгулявання канфлікту. Гэта падобна на звароты і пажаданні аб тым, чаго не трэба рабіць.

Там ёсць заклік да дээскалацыі вайны. Заклік правільны, але хто зараз эскалуе вайну? Пуцін! Вось да яго наўпрост і трэба звяртацца. Але кітайцы не маюць сварыцца з расейцамі, працягваючы прытрымлівацца абстрактна-нейтральнай пазіцыі.

Але і візіт Шольца ў Кітай, і будучы візіт Сі ў Еўропу, гэта спроба Пекіна зноў нагадаць аб сабе як аб патэнцыйным пасярэдніку. Вельмі важны момант, што Кітай зараз будзе вызначацца, як яму рэагаваць на Глабальны саміт міру.

Іх запрашаюць туды і Украіна, і Швэйцарыя, але Кітай яшчэ не зрабіў выбар. Яны гавораць, што трэба, каб была РФ. Для іх гэта можа быць фармальнай падставай для адмовы. Але не выключаю, што можа паехаць не Сі Цзіньпін, а нехта яшчэ ад Кітая.

Галоўнае, каб Кітай не перашкаджаў удзелу ў гэтым саміце сваім сябрам з краін Глабальнага Поўдня. Расея паспрабуе націснуць і на сваіх лацінаамерыканскіх, і афрыканскіх, і азіяцкіх партнёраў, каб яны не ўдзельнічалі ў саміце. І вось тут вельмі важная пазіцыя менавіта Кітая. Да яго будуць прыслухоўвацца. Праз сваіх партнёраў Кітай можа ўплываць на пастановы Глабальнага саміту міру ў Швэйцарыі.

Актыўнасць гэтай міратворчай тэмы звязаная з Глабальным самітам міру, які пачынаецца палітычнай барацьбой вакол яго. Саміт стане пэўным раздарожжам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]