Сіноптыкі паабяцалі беларусам «вясёлы» тыдзень з навальніцамі і замаразкамі

Снег выпадзе ў сярэдзіне красавіка?

Пасля тыдня тэмпературных рэкордаў і практычна летняга надвор'я Беларусь зноў накрыў халодны фронт. Агучваючы папярэдні прагноз на наступны тыдзень, сіноптык Дзмітры Рабаў адзначыў, што найбліжэйшым часам надвор'е «істотна зменшыць летні тэмп» і дадасць беларусам «дыскамфорту». Даведаліся, калі чакаць начных замаразкаў, дзе прагрымяць навальніцы, а ў якіх рэгіёнах краіны ў сярэдзіне красавіка яшчэ можа выпасці снег.

У эфіры дзяржтэлеканала АНТ Рабаў заявіў, што найбліжэйшым часам «чакаць вяртання летняга цяпла не даводзіцца», а на наступным тыдні, з 15 да 21 красавіка, беларусам «зноў спатрэбяцца больш цёплыя рэчы і парасоны».

Пра гэта яшчэ напрыканцы мінулага тыдня папярэдзілі і аўтары тэлеграм-канала Nadvorie. Там апублікавалі метэамапы Еўрапейскага цэнтра сярэднетэрміновых прагнозаў надвор'я (ECMWF), паводле якіх у сярэдзіне наступнага тыдня над Балканамі сфармуецца «магутны цыклон, які ірване на поўнач і пройдзе праз усходнюю палову Беларусі». На прагнозы ECMWF, ён прынясе на ўсход краіны снег і завеі з моцным ветрам, парывы якога могуць дасягаць 20-25 м/с.

Да -2°С у сярэдзіне красавіка

Пра будучыя начныя замаразкі і мокры снег папярэдзіў жыхароў краіны і Белгідраметцэнтр. Згодна з прагнозам дзяржаўных сіноптыкаў, у панядзелак, 15 красавіка, найбольш занепакоенасці беларусам можа даставіць моцны парывісты вецер.

Мяркуючы з усяго, ападкі - невялікія кароткачасовыя дажджы - чакаюцца ўначы месцамі на Гомельшчыне, а ўдзень - у асобных раёнах Віцебскай вобласці. Мінімальныя начныя тэмпературы, паводле звестак Белігдрамета, будуць заставацца ў дыяпазоне +2..+8°С, а ўдзень - ад +7°С на поўначы да +15°С на поўдні краіны.

Пачынаючы з аўторка ў прагнозах Белігдрамета з'яўляюцца адмоўныя начныя тэмпературы: замаразкі да -2°С чакаюцца 16 красавіка, да -1°С — 17 красавіка (больш працяглыя дакладныя прагнозы дзяржаўны цэнтр не дае). Гэтымі днямі сіноптыкі не выключылі магчымасці выпадзення мокрага снегу, галалёду, у таксама слабых туманаў раніцай. Акрамя таго, удзень у аўторак Белігдрамет спрагназаваў навальніцы для асобных рэгіёнаў краіны.

У далейшым на будучым тыдні на развіццё пагоднай сітуацыі ў Беларусі, паводле слоў сіноптыка Рабава, паўплываюць вільготныя малаактыўныя атмасферныя франты. Праз іх, як адзначыў спецыяліст, захаваецца дажджлівае надвор'е з начнымі тэмпературамі ў дыяпазоне +1°C.. +7°C, удзень тэмпература не будзе падымацца вышэй за +6°C у паўночна-заходніх раёнах краіны і вышэй за +13°C — у паўднёва-ўсходніх.

З чацвярга, 18 красавіка, са слоў Рабава, «кіраванне надвор'ем пяройдзе да атмасферных франтоў ад паўднёвага цыклону». Да гэтага моманту той, як мяркуецца, пачне павольна перамяшчацца ўздоўж усходніх межаў Беларусі. Зрэшты, сітуацыю з надвор'ем ён ані не палепшыць - у прагнозе сіноптыка на другую палову тыдня засталіся дажджы і красавіцкі холад - да +1°C.. +6°C уначы і да +6°C.. +13°C удзень.

Якое надвор'е будзе ў выходныя, 20-21 красавіка?

Да выходных, 20-21 красавіка, мяркуючы з прагнозаў Рабава, пацяплення не прадбачыцца. Сіноптыкі папярэдзіў аб кароткачасовых ападках, ранішніх туманах, праз якія бачнасць на дарогах можа падаць да паўкіламетра, а таксама аб парывістым ветры.

Чакаецца, што ў начны час у наступныя выхадныя могуць быць замаразкі - да -1°C, а дзённая тэмпература будзе вельмі нізкай, у параўнанні з папярэднім рэкордна цёплым тыднем: на суботу, 20 красавіка, Рабаў спрагназаваў +1°C для паўночнага ўсходу Беларусі і да +10°C - для паўднёвага захаду, а на нядзелю, 21 красавіка - ад +3°C на поўначы да +10°C на паўднёвым захадзе краіны.