Трамп: Сітуацыя ва Украіне ніколі не здарылася б, калі б я быў прэзідэнтам
82- 13.04.2024, 10:30
- 18,482
Экс-прэзідэнт ЗША заклікаў еўрапейскія краіны «зрабіць крок наперад» у пытанні дапамогі Украіне.
Рэспубліканская партыя разглядае магчымасць аднаўлення дапамогі Украіне, але толькі ў якасці крэдытаў, заявіў экс-прэзідэнт ЗША Дональд Трамп на супольнай прэс-канферэнцыі са спікерам палаты прадстаўнікоў ЗША Майкам Джонсанам.
«Што тычыцца законапраекта аб дапамозе Украіне, калі спікер будзе прасоўваць яго, мы разглядаем яго проста цяпер <...> і мы думаем, каб зрабіць яго ў форме крэдыту, а не проста падарунку. Мы [ЗША] прадаўжаем раздаваць падарункі на мільярды і мільярды даляраў», – падкрэсліў Трамп.
Ён таксама заклікаў еўрапейскія краіны «зрабіць крок наперад» у пытанні дапамогі Украіне, паколькі, на ягоную думку, ад вайны РФ ва Украіне «яны пацярпелі значна больш».
«Сітуацыя ва Украіне ніколі не здарылася б, калі б я быў прэзідэнтам. І гэта ўсе гавораць, уключаючы дэмакратаў, гэта выклікае абурэнне ў людзей. Мільёны людзей гінуць, мільённыя [страты] людзей з абодвух бакоў», – дадаў экс-прэзідэнт.