Арменія і Кыргызстан апярэдзілі Беларусь у росце прамысловай вытворчасці

Нашая краіна апынулася ў аўтсайдэрах нават у ЕАЭС.

Еўразійская эканамічная камісія ацаніла рост прамысловай вытворчасці ў краінах ЕАЭС за студзень - люты гэтага года, піша сайт «Белорусы и рынок».

У студзені-лютым 2024 года аб'ём прамысловай вытворчасці Еўразійскага эканамічнага саюза склаў 106,6% да ўзроўню студзеня-лютага 2023 года.

Рост прамысловай вытворчасці назіраўся ва ўсіх дзяржавах-членах: у Арменіі - на 28,9%, Кыргызстане - на 7,8%, Беларусі - на 7,1%, Расеі - на 6,6% і Казахстане - на 4,6%.

Аб'ём вытворчасці ў горназдабыўной прамысловасці і распрацоўцы кар'ераў у ЕАЭС павялічыўся на 1,5%, апрацоўчай прамысловасці - на 10,4%, электразабеспячэнні, падачы газу, пары і паветраным кандыцыянаванні - на 5,7%, водазабеспячэнні, каналізацыйнай сістэме, кантролі над зборам і размеркаваннем адходаў - на 4,6%.