Прэм'ер Славаччыны Фіца зрабіў заяву, якая дакладна не спадабаецца Крамлю

Браціслава падтрымлівае ўступленне Украіны ў ЕЗ.

Прэм'ер-міністр Славаччыны Роберт Фіца, якога называюць «прарасейскім», заявіў, што яго краіна зычыць Украіне найхутчэйшага чаленства ў ЕЗ.

Аб гэтым ён сказаў у чацвер на супольнай прэс-канферэнцыі з прэм'ерам Украіны Дзянісам Шмыгалем у Славаччыне пасля міжурадавых кансультацый, паведамляе «Еўрапейская праўда».

Фіца запэўніў, што Славаччына падтрымлівае амбіцыі Украіны стаць чальцом ЕЗ. «Гэта не спекуляцыя. Гэта - абсалютная поўная падтрымка», - сказаў ён.

«Мы не з'яўляемся краінай, якая будзе вам ствараць перашкоды на вашым шляху (у ЕЗ). Наадварот, мы хочам дапамагчы, падзяліцца з вамі сваім досведам, які тычыцца перамоў аб уступленні», – дадаў Фіца.

Ён запэўніў, што Славаччына зычыць Украіне хутка стаць сябрам Еўразвязу, бо «гэта гарантыя для перспектыў краіны, для развіцця краіны і для мірнага развіцця».

«Мы трымаем кулакі за вас», – запэўніў Роберт Фіца.