У Беларусі пачнуць выдаваць электронныя «дазволы» аб праходжанні тэхагляду
4- 5.03.2024, 21:23
- 6,634
![У Беларусі пачнуць выдаваць электронныя «дазволы» аб праходжанні тэхагляду](https://i.c97.org/ai/292702/aux-small-1528198447-aux-head-1513078831-20171212_texosmotr_t.jpg)
У красавіку.
Электронныя дазволы аб праходжанні тэхагляду пачнуць выдаваць у Беларусі ў красавіку – траўні 2024 года, паведамляе Charter97.org са спасылкай на кіраўніка ўправы арганізацыі дзяржтэхагляду УП «Белтэхагляд» Міхаіла Міхалоўскага. Адзначаецца, што гэтую працэдуру планавалі запусціць у студзені 2024-га, але не паспелі дапрацаваць праграмнае забеспячэнне.
– Усе тэхнічныя моманты, якія ёсць, што перашкаджаюць нам запусціць гэтую працэдуру, адпрацоўваюцца, – адзначыў прадстаўнік «Белтэхагляду».
Ён дадаў, што атрымаць электронны «дазвол» пасля праходжання ТА можна будзе праз адзіны партал электронных паслуг. Але магчымасць выкарыстання папяровага «дазволу» таксама застанецца.