Жыхара Наваполацка выправілі на «суткі» за інтэрв'ю Жырыноўскага 13-гадовай даўніны
14- 5.03.2024, 21:03
- 24,972
![Жыхара Наваполацка выправілі на «суткі» за інтэрв'ю Жырыноўскага 13-гадовай даўніны](https://i.c97.org/p/articles/2015/ai-153188-aux-head-20150527_zhirinovski_rian_360.jpg)
Прысуд вынесла суддзя Зінаіда Балаболава.
У Наваполацку за падпіскі і лайк пад інтэрв'ю памерлага кіраўніка Ліберальна-дэмакратычнай партыі Расеі Уладзіміра Жырыноўскага тэлеканалу «Белсат» асудзілі мясцовага жыхара Валерыя Максіменку, піша тэлеграм-канал «Віцебск, я гуляю» са спасылкай на пастанову, апублікаваную ў Банку судовых пастановаў.
9 лютага сілавікі знайшлі «відэаматэрыял дэструктыўнага характару» – інтэрв'ю Уладзіміра Жырыноўскага тэлеканалу «Белсат», якое было знятае 13 гадоў таму.
Новапалачанін у судзе сваю віну адмаўляў і сцвярджаў, што не ведае, як гэтыя «матэрыялы» апынуліся на ягонай старонцы ў сацсетцы. Нягледзячы на гэта, суддзя Зінаіда Балаболава прызнала мужчыну вінаватым паводле ч. 2 арт. 19.11 КаАП (Распаўсюджванне інфармацыйнай прадукцыі, уключанай у рэспубліканскі спіс экстрэмісцкіх матэрыялаў) і прызначыла дзесяць сутак арышту.