Нуланд сыдзе ў адстаўку
2- 5.03.2024, 19:15
- 5,166
![Нуланд сыдзе ў адстаўку](https://i.c97.org/ai/426336/aux-head-1623943476-20210617_nuland_360.jpg)
Яна прапрацавала ў дыпламатычным ведамстве тры з паловай дзесяцігоддзі за шасцю прэзідэнтамі і дзесяццю дзяржсакратарамі.
Намесніца дзяржсакратара ЗША Вікторыя Нуланд у найбліжэйшыя тыдні сыдзе ў адстаўку, паведаміў дзяржсакратар Энтані Блінкен. Прычына ў ягонай заяве, якую распаўсюдзіў Дзярждэп, не прыводзіцца. Блінкен падзякаваў Нуланд за яе службу і за след, які яна пакінула ў ведамстве і ў свеце.
Яна прапрацавала ў дыпламатычным ведамстве тры з паловай дзесяцігоддзі за шасцю прэзідэнтамі і дзесяццю дзяржсакратарамі, паведаміў Блінкен. Пачаўшы супрацоўніцай консульства ў кітайскім Гуанчжоў, Нуланд займала ў розны час большасць пасад у Дзярждэпе, сказаў ён.
Дыпламатка раней сыходзіла з ведамства: пасля таго, як прапрацавала спачатку яго афіцыйнай прадстаўніцай у 2011-2013 гадах, а затым - памочніцай сакратара ў справах Еўропы і Еўразіі ў 2013-2017 гадах. Зрэшты, яна запомнілася тым, што падчас пратэстаў у Кіеве зімой 2014 года прыехала на Майдан і раздавала мітынгоўцам печыва і хлеб.