У Нямеччыне раскрылі схему паставак аўто ў РФ праз Беларусь у абыход санкцый
17- 5.03.2024, 18:23
- 18,458
![У Нямеччыне раскрылі схему паставак аўто ў РФ праз Беларусь у абыход санкцый](https://i.c97.org/ai/579446/aux-head-1705302591-20240108_porshe_360.jpeg)
Размова ідзе аб пастаўках люксавых аўтамабіляў.
Нямецкая мытня раскрыла схему паставак люксавых аўтамабіляў у Расею ў абыход санкцый. Іх вывозілі з Нямеччыны на падставе продажу ў Беларусь.
Паводле інфармацыі следства, з чэрвеня 2022 года група падазраваных прадала ў Расею больш за 400 люксавых аўтамабіляў коштам, большым за 28 млн еўраў.
Супрацоўнікі следчай управы Берлін-Брандэнбургскай мытні і паліцыя Берліна сёння правялі ператрусы па сямі прыватных і карпаратыўных адрасах у Берліне і Брандэнбургу. Затрыманыя трое падазроных ва ўзросце 25, 49 і 52 гадоў. Арыштаваныя актывы ў выглядзе грошай, нерухомасці і аўтамабіляў на суму, большую за 1 млн еўраў. Расследаванне працягваецца.
У сакавіку 2022 года ЕЗ забараніў пастаўкі прадметаў раскошы ў Расею ці для выкарыстання ў Расеі. У спіс сярод іншых тавараў патрапілі аўтамабілі коштам, большым за 50 тысяч еўраў і запчасткі да іх.