«Лукашэнку нядоўга засталося»
4- 5.03.2024, 16:23
- 13,582
![«Лукашэнку нядоўга засталося»](https://i.c97.org/ai/586304/aux-head-1709645011-20211122_presa_360.jpg)
Усе гэтыя гады рэжым трымаўся толькі дзякуючы падтрымцы Крамля.
На тэлеканале «Белсат» выйшла ўнікальнае інтэрв'ю: украінская журналістка Таццяна Іваньска задала пытанні беларускай журналістцы, галоўнай рэдактарцы сайта Charter97.org Наталлі Радзінай.
Адно з пытанняў датычылася канца рэжыму Лукашэнкі.
- Можна казаць пра фізічную смерць, а можна і пра палітычную. Але калі гэта ўсё ж адбудзецца?
- Думаю, што нядоўга яму засталося. Ужо амаль 30 год гэтай дыктатуры, паглядзіце, як ён выглядае. Дарэчы, калі зараз украінскія журналісты хавалі Лукашэнку, я казала, што пачакайце, не так хутка. Але ўсё ж не думаю, што ў яго шмат часу.
У рэжыму няма рэсурсаў. Самае галоўнае – паглядзіце, што адбываецца ў Расеі. Усе гэтыя гады Лукашэнка трымаўся толькі дзякуючы падтрымцы Крамля. Калі б не было гэтай падтрымкі – адбылося б тое, пра што мы казалі, тое, пра што пісала “Хартыя”. Беларусы даўным-даўно забыліся б, хто такі Лукашэнка. Але гэтая дыктатура трымалася. Чаму? Бо была падтрымка Крамля, бо была вельмі невыразная палітыка Захаду і вельмі невыразная палітыка Украіны да Беларусі.
Давайце пра гэта таксама казаць. Гандаль, які не спыняўся, чаму не было ніякіх санкцый, чаму ва Украіне заплюшчвалі вочы на тое, што адбываецца ў Беларусі. Я з 2014 года шмат разоў прыязджала ва Украіну, размаўляла з многімі палітыкамі, таксама былі сустрэчы і ў РНБА, і ў Вярхоўнай Радзе, мы даносілі да ўкраінскіх палітыкаў, што рэжым Лукашэнкі - гэта пагроза для Украіны, што рана ці позна адбудзецца гэты напад з поўначы, наколькі небяспечная гэтая дыктатура. Дапамажыце дэмакратычнай апазіцыі змагацца з гэтым рэжымам. Не гандлюйце з гэтым рэжымам.
Няхай не сустракаюцца ўсе прэзідэнты Украіны з гэтым дыктатарам, бо гэта дэмаралізуе беларусаў, якія заўсёды падтрымлівалі ўкраінцаў падчас усіх рэвалюцый, а калі пачалася вайна ў 2014 годзе, яны паехалі ваяваць за Украіну. І многія беларусы загінулі за Украіну. Але нас не чулі вельмі доўга. І толькі ў 2022 годзе кіраўніцтва Украіны зразумела, што такое рэжым Лукашэнкі.