Кіраўнік сельгаспрадпрыемства ў Хоцімскім раёне даў указанне знішчыць ураджай кукурузы
5- 5.03.2024, 15:55
- 8,534
![Кіраўнік сельгаспрадпрыемства ў Хоцімскім раёне даў указанне знішчыць ураджай кукурузы](https://i.c97.org/ai/337641/aux-head-1560444783-20190613_kukuruza_360.jpg)
Што было далей?
Суд Хоцімскага раёна вынес прысуд выканаўцу абавязкаў дырэктара аднаго з сельскагаспадарчых прадпрыемстваў, якога абвінавачвалі ў службовай падробцы, паведамілі ў прэс-службе пракуратуры.
Падчас судовага следства выяўлена, што абвінавачаны даў загад аб знішчэнні кукурузы ўраджаю 2023 года на полі гаспадаркі плошчай 3,49 гектара шляхам яе знішчэння. У далейшым ён унёс у дзяржаўную статыстычную справаздачнасць недакладныя звесткі аб поўнай прыборцы кукурузы на сілас.
Прадпрыемству АПК у выніку была нанесеная шкода у суме звыш 1,6 тысяч рублёў.
Суд прызнаў мужчыну вінаватым на падставе ч. 2 арт. 427 КК (Службовая падробка) і прызначыў пакаранне ў выглядзе пазбаўлення права займаць пасады, звязаныя з выкананнем арганізацыйна-распарадчых абавязкаў, на 2 гады. А таксама аштрафаваў на 300 базавых адзінак (12 тысяч рублёў).
Прысуд у законную сілу не ўступіў, можа быць абскарджаны і апратэставаны ў апеляцыйным парадку.