У акупаваным Крыме расейскім вайскоўцам парэзалі колы
8- 5.03.2024, 12:58
- 7,894
![У акупаваным Крыме расейскім вайскоўцам парэзалі колы](https://i.c97.org/ai/586267/aux-head-1709632673-20240101_pogranperechod_360.jpg)
Цяпер шукаюць “дыверсантаў”.
У часова акупаваным пасёлку Новаазёрнае (Крым) невядомыя парэзалі шыны ў аўтамабілях расейскіх ваяк. Усяго пашкодзілі чатыры транспартныя сродкі, піша oobozrevatel.com.
Іх "гаспадары" заявілі, што спачатку самі хочуць адшукаць "хуліганаў", а калі не выйдзе - звернуцца ў паліцыю. Інцыдэнт адбыўся ўначы 5 сакавіка на вуліцы Герояў дэсантнікаў, 17.
“Парэзалі колы на 4-х аўто вайскоўцам, можа нехта бачыў хуліганаў – дапамажыце іх знайсці. Калі самі знойдзем, пастараемся дамовіцца аб кампенсацыі”, – гаварылася ў паведамленні мясцовага Z-пабліка.
![](https://i.c97.org/ai/586267/aux-1709632679-1111.jpg)
Яго аўтары паспачувалі акупантам і заявілі, што пасадзейнічаюць "усялякім шляхам". Яны нават прапанавалі правесці "грамадзянскае расследаванне".
![](https://i.c97.org/ai/586267/aux-1709632679-2222.jpg)
Але потым параілі расейскім вайскоўцам звяртацца ў паліцыю, хаця папярэдзілі: “знайсці вінаватых шанцаў мала”, паколькі аўто былі “без назірання і аховы”.
![](https://i.c97.org/ai/586267/aux-1709632679-3333.jpg)
У Z-пабліку таксама ўказалі пра дачыненне да інцыдэнту "дыверсантаў", згадаўшы праўкраінскі Telegram-канал. "Крымскі вецер". Там на гэта адзначылі: "Нас там няма".
![](https://i.c97.org/ai/586267/aux-1709632679-4444.jpg)