Максім Галкін на ўкраінскай мове зрабіў папярэджанне расейцам
29- 5.03.2024, 16:43
- 42,458
![Максім Галкін на ўкраінскай мове зрабіў папярэджанне расейцам](https://i.c97.org/ai/586251/aux-head-1709627138-20240101_galkin_360.jpg)
Артыст магутна адрэагаваў на гібель дзяцей у выніку атакі па Адэсе.
Знакаміты расейскі гумарыст, парадыст і тэлевядоўца Максім Галкін, які з першых дзён поўнамаштабнага ўварвання адкрыта асуджае агрэсію РФ, магутна і кранальна адрэагаваў на наступствы расейскага нападу па Адэсе ў ноч на 2 сакавіка. Зрабіў ён гэта на ўкраінскай мове, піша obozrevatel.com.
Як вядома, з-за чарговага расейскага тэрору ў Адэсе загінулі 12 цывільных асоб, сярод якіх пяцёра - дзеці. Галкін успомніў, што сам правёў сваё дзяцінства ва ўкраінскім горадзе на беразе Чорнага мора, дзе нават хадзіў у школу і вывучаў украінскую мову. Адпаведны допіс артыст апублікаваў на асабістай старонцы ў Instagram.
Сваю публікацыю Галкін дапоўніў архіўным фота, на якім, як відаць, пазуе маленькім з мамай. Дзелячыся сваімі ўспамінамі аб Адэсе і смуткам аб загінулых маленькіх украінцах, шоўмен нагадаў расейцам аб пакаранні, якое абавязкова здагоніць іх за кожную нявінную смерць.
«Адэса - гэта маё дзяцінства. У Адэсе ў школе я вывучаў з першага класа ўкраінскую мову. І тыя веды аб мове, якія ў мяне засталіся дагэтуль, - гэта таксама маё адэскае дзяцінства. Мяне, напэўна, можна папракнуць, што я не сумую публічна па ўсіх загінулых дзецях у свеце. Але кожны ўдар па Адэсе пападае ў сэрца. Адэса, я ўсім сэрцам з табой. Мае глыбокія спачуванні сем'ям загінулых. Вельмі горка ад бяссілля. Але суд Божы яшчэ ніхто не касаваў», - напісаў на ўкраінскай мове Галкін.
![](https://i.c97.org/ai/586251/aux-1709627144-1.jpg)
Нагадаем, у Адэсе на трэці дзень пасля расейскага нападу, з-за якога загінулі 12 мірных жыхароў, людзі працягваюць несці кветкі, лампадкі і цацкі да разбуранай шматпавярхоўкі.