Беларускі халаднік патрапіў у топ найлепшых халодных супоў свету
11- 30.03.2024, 21:58
- 20,176
Абагнаўшы «канкурэнта» з Расеі.
У канцы сакавіка гастранамічны інтэрнэт-партал Taste Atlas прэзентаваў рэйтынг найлепшых халодных супаў усяго свету. У топ-20 патрапіў і беларускі халаднік.
Большая частка супаў еўрапейскія, прычым пяць - гішпанскія. У спісе ёсць чатыры варыянты халодных супаў з бураком (літоўскі, латвійскі, польскі і беларускі).
Першае месца ў літоўскага Šaltibarščiai (даслоўна: халодны боршч), які набраў 4,3 бала з 5. Адзначаецца, што суп гатуецца з простых інгрэдыентаў, яго прыгатаванне не патрабуе шмат часу.
На другім месцы гішпанская Porra Antequeranna (4,3 бала, наваколлі андалусійскай Малагі), якая нагадвае гаспача і сальмарэха. Робіцца з таматаў, салодкага перцу, часныку, аліўкавага алею і хлеба.
На трэцім месцы ўласна Salmorejo (4,1 бала, Кордава, Гішпанія), але ён лічыцца самым папулярным. Гэты суп гусцейшы, чым гаспача. Дадаюць мясную нарэзку і яйкі.
На чацвёртым месцы балгарскі Tarator (4,1 бала): халодны суп з несалодкіх тлустых ёгуртаў, агуркамі, часныком, крапівой і арэхамі.
На пятым месцы французскі Vishyssoise (4,1) - крэмавы халодны суп з парэю, бульбы, булёну і вяршкоў.