У цэнтры Менска на паўгода закрыюць вуліцу

Праз рамонт моста.

З 13 красавіка ў Менску закрыюць вуліцу К. Лібкнехта ад скрыжавання з праездам Бетонным да скрыжавання з праспектам Жукава. Пра гэта паведамілі карэспандэнту агенцтва «Менск-Навіны» ў «Гардарбуд».

Рэч у капрамонце і мадэрнізацыі шляхаправода на праспекце Жукава над вуліцай К. Лібкнехта.

Праезд на гэтым адрэзку будзе закрыты з 0.00 13 красавіка да 0.00 15 кастрычніка 2024 года.

На час перакрыцця вуліцы зменяць і працу грамадскага транспарту. Гэта закране аўтобусныя маршруты № 49, 57, 23: прыпынку «Індустрыяльны» на праспекце Жукава не будзе ў абодвух напрамках.

Капрамонт моста пачалі з 11 сакавіка. Праца пройдзе за два этапы, пры гэтым па чарзе будуць зачыняць паловы моста для транспарту.

З 25 сакавіка ў Менску на два месяцы перакрытая частка вуліцы Розы Люксембург.