Рыгор Кастусёў: Са здароўем усё вельмі блага

У палітвязня – анкалагічнае захворванне.

Палітвязень, лідар БНФ Рыгор Кастусёў, які знаходзіцца ў гарадзенскай турме №1, напісаў пра тое, што з ягоным здароўем «усё вельмі блага». Пра гэта ў «Фэйсбуку» паведаміў зяць палітыка Зміцер Антончык.

«Прыйшла інфармацыя ад Рыгора Кастусёва. Піша, што са здароўем усё вельмі блага», – напісаў ён.

Кастусёва асудзілі да 10 гадоў пазбаўлення волі паводле «справы аб дзяржперавароце». Падчас утрымання пад вартай у яго было выяўленае анкалагічнае захворванне.