Заолагі знайшлі новы від яшчарак
- 30.03.2024, 11:45
- 1,536
І назвалі яго ў гонар Ван Гога.
Група навукоўцаў з Фонду дзікай прыроды Тэкерэя ў Індыі выявіла новы від яшчарак у паўднёвых Заходніх Гатах і назвала яго Cnemaspis vangoghi у гонар знакамітага мастака Вінцэнта Ван Гога, піша New Voice.
Яркая афарбоўка гэтай яшчаркі нагадвае вядомую карціну «Зорная ноч». Новы від быў знойдзены падчас экспедыцыі ў красавіку 2022 года ў штаце Таміл Наду, Індыя, і апісаны ў часопісе ZooKeys.
Даследнікі паведамляюць, што Таміл Наду валодае ўнікальнай біяразнастайнасцю, і плануюць назваць больш за 50 новых відаў яшчарак. Падчас даследчай паездкі навукоўцы сутыкнуліся з высокай шчыльнасцю кляшчоў, асабліва ў нізкіх сухіх лясах Шрывіліпутура, дзе былі выяўленыя новыя віды яшчарак.
Cnemaspis vangoghhi ўяўляе з сябе гекона невялікага памеру, які дасягае даўжыні да 3,4 см. Ён быў апісаны разам з іншым відам свайго роду, Cnemaspis sathuragiriensis, якія жывуць у пагорках Сатурагіры. Новыя віды яшчарак жывуць у невысокіх лісцевых лясах Шрывіліпутура і дапаўняюць спіс эндэмічных пазваночных жывёлаў гэтага рэгіёну.
Гэтыя яшчаркі вядуць дзённы лад жыцця і актыўныя ў прахалодныя гадзіны ранняй раніцы і вечару, у асноўным знаходзячыся на камянях.
Іх выяўленне толькі ў абмежаваных месцах сведчыць пра «мікраэндэмізм» сярод нізінных відаў, адзначаюць даследнікі.