18 красавiка 2024, Чацвер, 9:49
Падтрымайце
сайт
Сім сім,
Хартыя 97!
Рубрыкі

У Феадосіі знішчаны нафтаправод расейцаў

20
У Феадосіі знішчаны нафтаправод расейцаў
иллюстративное фото

Страты каласальныя.

У вайсковым руху ўкраінцаў і крымскіх татараў «Атэш» пацвердзілі траплянне дронаў у Феадосіі. Паводле інфармацыі руху, пашкоджаны нафтаправод, наступствы атакі акупанты ліквідавалі аж да самай раніцы.

Шкоду, прычыненую захопнікамі, партызаны ацанілі як каласальную. Пра гэта гаворыцца ў паведамленні ў Telegram-канале «Атэш».

«У Феадосіі знішчаны нафтагон акупантаў. Агенты «АТЭШ» з акупацыйных органаў улады паведамляюць, што сёння ўначы быў прылёт па нафтагоне ў горадзе. Наступствы ліквідавалі да самай раніцы. Страты каласальныя!», - адзначана ў паведамленні.

Пасля магутных выбухаў у часова акупаванай Феадосіі ў ноч на 3 сакавіка ў расейскім мінабароны заявілі, што Украіна запусціла па Крыме 38 дронаў, аднак усе яны, запэўніваюць у дзяржаве-агрэсарцы, нібыта былі збітыя.

Пры гэтым пасля начнога нападу ў Крыме фіксаваліся масавыя выезды хуткіх, захопнікі перакрылі адрэзак трасы «Таўрыда» ля Феадосіі.

На 12 гадзін паводле кіеўскага часу так званы «міністр транспарту» акупацыйнага «ўрада» Крыма Мікалай Лукашэнка заявіў аб запуску рэверсіўнага руху на раней перацятым адцінку трасы «Таўрыда». Аднак з нейкіх невядомых прычын, нягледзячы на тое, што расейская СПА «збіла ўсе дроны», цалкам аднавіць рух па гэтай дарозе акупанты спадзяюцца толькі да вечара.

Напісаць каментар 20

Таксама сачыце за акаўнтамі Charter97.org у сацыяльных сетках