Былы ўкраінска-беларускі футбаліст Мілеўскі расказаў, як упаў ў кому
13- 2.03.2024, 17:01
- 13,370
Праз алкагалізм.
Былы нападнік кіеўскага і берасцейскага «Дынама», а таксама нацыянальнай каманды Украіны Арцём Мілеўскі распавёў, як упаў у кому праз алкагалізм.
У інтэрв'ю, якое экс-форвард выклаў на сваёй старонцы ў Telegram, ён падзяліўся падрабязнасцямі складанай жыццёвай сітуацыі:
«З чаго ўсё пачалося. Мы глядзелі футбол. Гэта быў «Рэал» – «Уніён» у Лізе чэмпіёнаў. Мы глядзелі яго з Сержыкам. Я крыху, як звычайна датуль, даў джазу, ромчык папіваў. Мы з Сержыкам паспрачаліся, умоўна калі ўжо канчалася гульня.
Сярожа – гэта мой блізкі таварыш, мы з нядаўніх часоў вельмі добра сябруем, ён акцыянер у букмекерскай канторы, якая знаходзіцца ў Еўропе. У нас сышліся інтарэсы, мы часта бавім час разам, думаем над усялякімі праектамі разам.
Ён вельмі прыязны, добры чалавек, які нагадвае крыху мяне ў яго ўзросце. Глядзім мы футбол. Паспрачаліся мы з ім, ён кажа: «Цёма, ужо трэба ехаць. Можа, зʼездзім, пракапаемся? Зʼездзім у лякарню». Я кажу: «Пачакай, заўтра. Заўтра, заўтра, заўтра».
Мне не было дрэнна, але я разумеў, што ўжо крыху пара з гэтага выходзіць. І ўсё адцягваў. Прыехала наша агульная сяброўка Ірка Ашкеназі. І мы паспрачаліся, калі «Рэал» выйграе, то я згаджаюся і едзем пракапацца. Умоўна, толькі пракапацца, на той момант размова ішла толькі пра гэта.
0:0, 94-95-я хвіліна, Белінгем забівае, а Сярога казаў, што калі «Рэал» выйграе, то едзем. Я кажу: «Добра, дамовіліся». Часу ўжо колькі, 23.45. Выклікалі бальніцу, пагрузіліся туды і зʼехалі. Прыязджаем, я: «Цяпер пракапаюся і па хатах зноў».
У выніку склалася так, што не, малады чалавек, вам трэба застацца. Я зноў-такі без панікі думаю, ну застацца дзень-два ўмоўна, зрабіць усе працэдуры, і ўсё, я вольны, буду гуляць, вярнуся жыўчыкам. У выніку, я засынаю пад кропельніцай. Гэта значыць мяне ўсыпляюць, я засынаю. І прачынаюся, умоўна кажучы, толькі праз 6 дзён. Ты можаш сабе ўявіць?
Але калі я прачнуўся, маё першае ўражанне было, што ў мяне было шмат сноў, урыўкамі, раз сітуацыя, два сітуацыя, трэцяя, чацвёртая. І я думаў, што мне проста далі нейкае снатворнае, і я паспаў можа гадзін 20, 24. І калі я прачынаюся, увесь у правадах. Дзецюкі стаяць. Кажуць: «Прывітанне ты нармальна? 6 дзён спаў». Як лекары патлумачылі і хлопцы, я быў 6 дзён у штучнай коме», – рэзюмаваў Мілеўскі.