Вядомую спартоўку таемна судзілі пасля вяртання ў Беларусь
5- 10.03.2024, 13:17
- 21,118
Стаў вядомы прысуд.
Як стала вядома «Трибуне», суд даў два гады «хатняй хіміі» (абмежаванне свабоды без накіравання ў папраўчую ўстанову) трыятланістцы Валянціне Зелянкевіч. Са звестак выдання, прысуд звязаны з удзелам Зелянкевіч у мірных пратэстах у 2020-м.
Зелянкевіч у канцы жніўня 2020-га не падоўжылі кантракт у менскім клубе трыятлона «Трыстайл».
Як казала спартоўка, дырэктар клуба Дзмітрый Талкачоў абяцаў ёй працягнуць супрацоўніцтва, аднак адмовіўся ад яго пасля таго, як убачыў «пратэстны» допіс Зелянкевіч у Інстаграме з фота, на якім яна стаяла з бел-чырвона-белым сцягам на праезнай частцы падчас аднаго з мірных мітынгаў.
Восенню 2020-га Зелянкевіч пераехала ў Расею, дзе працягвала трэніравацца, а таксама працавала трэнерам у трыятлоне і плаванні.
Паводле інфармацыі «Трибуны», некаторы час таму Зелянкевіч вярнулася ў Беларусь, а неўзабаве пасля гэтага была затрыманая і заставалася за кратамі да нядаўняга суда. Дата суда не называецца.