Расейскі баксёр Валуеў стаў пасмешышчам пасля выпаду на адрас МАК
13- 10.03.2024, 11:35
- 22,376
Адыёзны дэпутат Дзярждумы РФ памыліўся з аўдыторыяй.
Былы чэмпіён свету ў боксе, а цяпер дэпутат Дзярждумы Мікалай Валуеў заявіў аб страху МАК перад расейскімі спартоўцамі.
«Што сталася з алімпійскім рухам? Нас усяляк прымушаюць не ехаць і не глядзець Алімпіяду. Яны не жадаюць бачыць, як расейскія спартоўцы паднімаюць сцяг пасля перамогі. Неймаверна крыўдна за такое развіццё МАК.
Страх перад нашымі спартоўцамі ў іх вельмі высокі. І мы пакажам, на што мы здольныя, калі вернемся. А пакуль у нас ёсць вельмі канкурэнтныя і добрыя спаборніцтвы», - сказаў дэпутат у інтэрв'ю Sport24.
Фанаты расейскага спорту не ўспрынялі сур'ёзна словы Валуева, а толькі пасмяяліся з яго.
Адзначым, 19 сакавіка Міжнародны алімпійскі камітэт (МАК) абмяркуе ўдзел расейцаў у цырымоніі адкрыцця Алімпіяды ў Парыжы. Спартоўцы змогуць выступаць на спаборніцтвах толькі ў нейтральным статусе.