Зорку футболу дыскваліфікавалі на чатыры гады

Разам з камандай Францыі ён быў чэмпіёнам свету і Еўропы.

Як паведамляе Tuttosport, паўабаронца «Ювентуса» Поль Пагба дыскваліфікаваны на чатыры гады за допінг. У спробе француза быў знойдзены занадта высокі ўзровень тэстастэрону.

На клубным узроўні Пагба вядомы з выступаў за «Манчэстэр Юнайтэд» і «Ювентус». За каманду Францыі ён правёў 92 матчы, разам з ёй стаў чэмпіёнам свету і Еўропы.

Ён выступаў за «Ювентус» з 2012 да 2016 года і вярнуўся ў Турын улетку 2022 года. У сезоне 2023/24 паўабаронца правёў за «б'янканеры» толькі 10 матчаў ва ўсіх турнірах, у якіх вызначыўся адной выніковай перадачай. Кантракт гульца з турынскім клубам дзейнічае да канца чэрвеня 2026 года.

Партал Transfermarkt ацэньвае кошт футбаліста на 20 мільёнаў еўраў.

Раней стала вядома, што «Ювентус» разарве кантракт з Пагба ў аднабаковым парадку ў выпадку ягонай афіцыйнай дыскваліфікацыі.